Arteria alveolaris inferior

De Arteria alveolaris inferior („ünnere Tähnfackslagader“) höört to de Slagadern vun’n Kopp. Se twiegt ut’n eersten Afsnitt vun de Böverkeevarterie (Arteria maxillaris) af.

De Arterien vun’n Kopp

Vun de ünneren Tähnfackarterie geiht toeerst en Ramus mylohyoideus af, de sik in’n Bodden vun’n Mund ünner den Musculus mylohyoideus vertwiegt. Dorna verlöpt se för’t Ünnerkeevlock „Foramen mandibulae“ vun’n Ünnerkeev in den Canalis mandibulae in dissen Knaken. Dorin löppt se tosamen mit de Veen mit den gieken Naam un den Nervus alveolaris inferior in Richt na’t Kinn. Vun de Arterie gaht hier fiene Twiegen na de Ünnerkeevtähnen un den Ünnerkeev sülvst af. An’t Foramen mentale (Kinnlock) kummt een vun de beiden Endtwiegen, de Ramus mentalis, wedder ut’n Ünnerkeev rut un versorgt dat Kinnrebeet. De tweete Endtwieg tütt binnen den Knaken wieder na de Sniedtähnen.

Literatur ännern

  • U. Gille: Herz-Kreislauf- und Abwehrsystem, Angiologia. In: Salomon, F.-V. u. a. (Rgv.): Anatomie für die Tiermedizin. Enke-Verlag, Stuttgart 2004, S. 404-463. ISBN 3-8304-1007-7