Arteria maxillaris

De Arteria maxillaris („Böverkeevarterie“) is de direkt wietere Verloop vun de buteren Halsslagader (Arteria carotis externa) in’t Rebeet vun’n Kopp, nadem dorvun de Arteria temporalis superficialis (bavenflachlich Dünnenslagader) afgahn is.

De Arteria maxillaris is de dicke Ader, de na rechts löppt

Verloop

De Arteria max. tütt dorna in de Fossa pterygopalatina (Flögel-Böhn-Kuhl). Bi’n Minschen verlöppt se dorto twüschen de beiden Köpp vun’n Musculus pterygoideus lateralis, bi Peerd un Hunnen löppt se an’n Flögelfoortsatzkanal (Canalis pterygoideus) vun’t Kielbeen vörbi. Bi Katten billt de A. max. en Wunnernett (Rete mirabile arteriae maxillaris) ut un bi de Wedderkauers spiest se dat Wunnernett, dat in de Schädelhöhl liggt (Rete mirabile epidurale rostrale).

Aftwiegen

schemaatsch Ünnerdelen vun de Arteria maxillaris bi Minschen

De Arteria maxillaris versorgt en groten Deel vun’n Kopp un billt in ehr Ennrebeet Anastomosen mit de Gesichtsarterie (Arteria facialis) ut. Se warrt in dree Afsneden indeelt, wobi de Afgäng twüschen de verscheden Söögdeerten ünnerscheedlich utfallt.

Eerste Afsnitt

Ut den eersten Afsnitt twiegt af:

• Arteria auricularis profunda („deepe Ohrslagader“) (Minsch)
• Arteria tympanica anterior („vördere Paukenslagader“) (Minsch, bi Peerd un Huunen as Arteria tympanica rostralis betekent)
• Arteria meningea media („middlere Bregenhuutslagader“) (Minsch, Peerd un Hunnen)
• Arteria alveolaris inferior („ünnere Tähnfackslagader“)
• Arteria meningea accessoria („tosätzliche Bregenhuutslagader“)

Tweete Afsnitt

Ut den tweeten Afsnitt twiegt af:

• Arteria masseterica: Twieg an den Musculus masseter, twiegt bi Deeren as Ramus masseterius noch vun de Arteria carotis externa af
• Rami pterygoidei: Twiegen an’n Musculus pterygoideus lateralis un medialis
• Arteria temporalis profunda („deepe Dünnenslagader“)
• Arteria buccalis („Backenslagader“)

Bi Deeren gifft de Arteria maxillaris dat as Arteria ophtalmica externa („butere Ogenslagader“) betekente Hööftfatt an dat Oog af.

Drüdde Afsnitt

Ut den drüdden Afsnitt twiegt af:

• Arteria sphenopalatina
• Arteria palatina descendens („afstiegen Böhnslagader“)
• Arteria infraorbitalis („Ünnerogenslagader“)
• Arteria alveolaris superior posterior („bövere achtere Tähnfackslagader“) (Minsch)
• Arteria canalis pterygoidei: tütt mit den Nervus canalis pterygoidei dör den Flögelfoortsatzkanal

Literatur

• U. Gille: Herz-Kreislauf- und Abwehrsystem, Angiologia. In: Salomon, F.-V. u. a. (Rgv.): Anatomie für die Tiermedizin. Enke-Verlag, Stuttgart 2004, S. 404-463. ISBN 3-8304-1007-7