Arteria facialis
De Arteria facialis („Gesichtsarterie“) is de Arterie, de bi’n Minsch un bi Söögdeeren den gröttsten Deel vun de Strukturen neeg de Böverflach vun’t Gesicht mit Blood versorgt. Alleen Schaap un Zegen hebbt keen Arteria facialis. Dor warrt dat Gesichtsrebeet vun de Arteria transversa faciei versorgt, man de dortohörend Veen Vena facialis is ok bi disse Deeren utbillt.
De Arteria facialis hett ehrn Born as drütten Hööftstamm ut de buteren Halsslagader (Arteria carotis externa), bi Peerd un Rindveeh tosamen mit de Arteria lingualis as Truncus linguofacialis, de sik kort dorna in enkelte Bloodfatten opdeelt. De Arteria facialia lööpt ünner de Musculi stylohyoideus un digastricus dör un geiht an’n Vörderrand vun’n Musculus masseter vörbi an’n Ünnerkeevknaken (Mandibula). Dor liggt se in en Kaar vun’n Knaken (Incisura vasorum facialium) binnen. Dor kann man ok licht ehrn Pulsslag föhlen. Dorna liggt se ünner’t Platysma un twiegt sik denn ut’neen in ehr Endäst.
Aftwiegen
ännern- Arteria sublingualis („Ünnertungenarterie“), fehlt bi’n Minschen, bi Wedderkauers entsteiht se ut de Arteria lingualis
- Arteria palatina ascendens („Opstiegen Böhnarterie“) to’n Versorgen vun’n Rachen
- Arteria submentalis („Ünnerkinnarterie“), versorgt de Ünnerkeevseverdrüüs un angrenzen Strukturen
- Arteria labialis inferior („Ünnerlippenarterie“) na de Ünnerlipp
- Arteria labialis superior („Böverlippenarterie“) na de Böverlipp
- Arteria angularis („(Ogen-)Winkelarterie“) na de Nees un na’n binneren Ogenwinkel
Bi Peerd twiegt vun de Arterie facialis butendem de sietliche Nesenarterie (Arteria lateralis nasi) un de Nesenrücharterie (Arteria dorsalis nasi) af.
Borns
ännern- T.H. Schiebler (Rgv.): Anatomie. Springer, Heidelbarg 2005. ISBN 3-540-21966-8.
- U. Gille: Herz-Kreislauf- und Abwehrsystem, Angiologia. In: Salomon, F.-V. u. a. (Rgv.): Anatomie für die Tiermedizin. Enke-Verlag, Stuttgart 2004, S. 404-463. ISBN 3-8304-1007-7