Arteria labialis inferior

De Arteria labialis inferior („Ünnerlippenarterie“) is en Slagader vun’t Gesicht, de de Ünnerlipp mit suerstoffriek Blood versorgen deit..

Gesichtsarterien vun’n Minsch

Se twiegt ut de Arteria facialis („Gesichtsarterie“) in’t Rebbet vun’n Mundwinkel af und tütt ünner den Musculus depressor anguli oris na vörn. Se geiht dör den Musculus orbicularis oris dör un verlöpt denn as’n Slangenlien an de Ünnerlipp langs. Dor versorgt se de Huut un de Sliemhuut vun de Lipp, de Lippendrüsen un den Musculus orbicularis oris.

Literatur

• T.H. Schiebler (Rgv.): Anatomie. Springer, Heidelberg 2005. ISBN 3-540-21966-8.