Arteria meningea media

De Arteria meningea media („middlere Brägenhuut-Slagader“) höört to de Slagadern vun’n Kopp. Dit Bloodfatt gifft dat bi Minschen, Peerd un Hunnen, bi de se ut de Böverkeev-Slagader aftwiegt. Dör dat Foramen spinosum vun’t Kielbeen verlööpt se in de Schädelhöhl un versorgt dor tosamen mit de Arteria meningea anterior un de Arteria meningea posterior de harde Brägenhuut mit Blood.

In’t Rebeet vun’t Pterion, de dünnste Steed vun de Schädelkapsel, kann de Arterie bi Sehren vun’n Schädelrieten un Epiduralblöden utlösen.

Twiegen

Binnen de Schädelhöhl splitt sik de Arterie in de folgen Twiegen op:

in tallrieke lütte Twiegen, de de Dura mater un dat Ganglion semilunare versorgt.
in den Ramus petrosus superficialis, de in’n Fazialiskanal rinlöpt un den Nervus facialis versorgt. Disse Ramus billt Anastomosen mit den Ramus stylomastoideus vun de Arteria auricularis posterior.
in de Arteria tympanica superior, de in’n Kanal vun’n Musculus tensor tympani tütt un em versorgt.
in de Ogenhöhlentwiegen, de dör de Fissura orbitalis superior oder enkelte Steden vun’t Kielbeen loopt un mit Twiegen vun de Arteria ophthalmica Anastomosen billt.
in de Dünnentwiegen, de dör de Ingäng vun’t Kielbeen teht un in de Fossa temporalis Anastomosen mit de deepen Dünnenarterie billt.

U. Gille: Herz-Kreislauf- und Abwehrsystem, Angiologia. In: Salomon, F.-V. u. a. (Rgv.): Anatomie für die Tiermedizin. Enke-Verlag, Stuttgart 2004, S. 404-463. ISBN 3-8304-1007-7