Ashuser Möhlenbeek

Ashuser Möhlenbeek
Laag	Neddersassen
Stroomsystem	Elv
Afströömrebeed	50,5 km²
Born	bi Holtörp
Münn	bi Wuhlenborg in de Seev
linke Blangenströöm	Kohlenbeek
rechte Blangenströöm	Diekgraven

De Ashuser Möhlenbeek is en Beek, de von rechts in de Seev münnt.

De Ashuser Möhlenbeek hett sien Born in’n Noorden von Holtörp an’n Baukweddel. Von dor flütt de Beek na Noordoosten an Büllhorn langs, geiht ünner de Autobahn 39 dör un löppt denn dör Ashusen. In Ashusen is de Beek to’n Möhlendiek opstaut un hett dor fröher en Watermöhl andreven, de sied 1321 nawiest is. De Beek dreiht denn op Noord un Noordwest.

De Ashuser Möhlendiek nimmt hier den üm un bi veer Kilometer langen Diekgraven op, de sien Born in’n Noorden von Grevelau an’n Westrand von Winsen hett. Von dor flütt de Diekgraven na Noordwesten an Gehrden langs (an dat rechte Över) un münnt in Ashusen.

De Ashuser Möhlenbeek geiht dör Achterdiek dör un hett denn Stell op dat linke Över liggen. In dat Naturschuulrebeed Ünner Seevdaal nich wied von Wuhlenborg un güntsied Over münnt de Möhlenbeek in de Seev, de een Kilometer wieder denn sülvs wedder in de Elv münnt.

Dat Water in de Seev flütt över de Elv in de Noordsee.