August Christoph Adolf Michaelis

August Christoph Adolf Michaelis (* 11. März 1813 in Hannover; † 18. Juli 1892 ok dor) weer en düütschen Verwaltungsbeamten.

Michaelis is 1813 in Hannover boren. Von’n 17. April 1828 bet 7. September 1833 weer he op de Kloosterschool Ilfeld un hett na de School Juristeree studeert. Sien Dr. jur. hett he 1844 maakt. He güng denn in’n hannöverschen Verwaltungsdeenst. Michaelis weer von 1848 bet 1855 Börgermeester von Zellerfeld. He is dor 1855 Amtsassesser worrn un 1862 Amtmann bi dat Amt Zellerfeld. Nadem Prüßen 1867 dat Königriek Hannover annekteert hett, hett sik sien Charakter op Amtshauptmann ännert. Michaelis is 1872 as Amtshauptmann in dat Amt Neehuus wesselt. Üm 1880 rüm is he in Rohstand gahn.