Börgeree

Oort in’n Landkreis Veern, Neddersassen
Wapen/Flagg Koort
hett keen Wapen
Börgeree
Laag vun Börgeree in Düütschland
Basisdaten
Bundsland: Neddersassen
Landkreis: Veern
Samtgemeen: Thänhusen
Gemeen: Thänhusen
Inwahners:
Postleettall: 27321
Vörwahl: 04204
Geograafsche Laag:
Koordinaten:52° 58′ N, 9° 1′ O
52° 58′ N, 9° 1′ O

Karte

De Börgeree (hoochdüütsch Bürgerei) is en Deel von Thänhusen, de fröher aver en egen Gemeen billt hett. De Börgeree höört dormit to de Gemeen Thänhusen (Samtgemeen Thänhusen) in’n Landkreis Veern, Neddersassen.

Geografie ännern

De Oort liggt op en sieden Geestrügg in de Masch von de Werser, de tweeunhalv Kilometer in’n Noorden langsflütt. Dat Water ut dat Rebeed flütt över de Eiter af.

De Naveröörd sünd Eißel in’n Noorden, Werder in’n Noordoosten, Lunsen in’n Oosten, Holtdörp un Beppen in’n Süüdoosten, Hagen un Westerwisch in’n Süüdwesten, Dönnerstäen in’n Westen un Dibbelsen in’n Noordwesten.

Historie ännern

De Börgeree kummt 1168 toeerst in de Oorkunnen vör. Dat Rebeed is fröher Dettenhusen nöömt worrn. Eerst later hett sik de Naam Börgeree inbörgert.

Verwaltungsgeschicht ännern

De Börgeree hett fröher to dat Arzstift Bremen tohöört un is an’t Enn von’n Dörtigjohrigen Krieg an de Sweden fullen. In’n Fredensverdrag von Celle is dat Rebeed üm Thänhusen 1679 an dat Hartogdom Bruunswiek-Wulfenbüttel fullen.

In de Franzosentied hett de Oort toeerst 1807 bet 1811 binnen dat Königriek Westfalen to de Mairie Thänhusen in’n Kanton Thänhusen höört un denn von 1811 bet 1814 to dat Franzöösche Kaiserriek ünner Napoleon un dor ok wedder to de Mairie Thänhusen in’n Kanton Thänhusen.

De Oort hett binnen Bruunswiek to dat Amt Thänhusen tohöört, von 1832 bet 1850 to’n Kreis Holtsminne un von 1850 bet 1972 to’n Kreis Bruunswiek.

De Börgeree weer fröher en egenstännige Gemeen. Düsse Gemeen is an’n 1. April 1908 mit de Gemenen Hagen un Westerwisch tohoopslaten worrn. De ne’e Gemeen hett denn Thänhusen heten. De Gemeen Thänhusen is an’n 1. Juli 1972 mit de Gemeenreform in Neddersassen in’n Landkreis Veern wesselt.

Inwahnertall ännern

Johr Inwahners
1812-00-001812[1] 415

Religion ännern

De Börgeree is evangeelsch-luthersch präägt un höört to dat Kaspel von de Maria-Magdalena-Kark in Thänhusen. Düsse Kark is 1870 boot un 1912 egenstännig worrn. Vörher hett de Oort to dat Kaspel von de Cosmas-un-Damian-Kark in Lunsen tohöört.

För de Kathoolschen is de St.-Matthias-Kark in Achem tostännig.

Footnoten ännern

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100