Böverzentrum
En Böverzentrum is en zentralen Oort von de böverste Ebene na dat System von de Zentralen Öörd in de Ruumplaneree un Weertschopsgeografie.
En Grundzentrum is en Oort, in den de Lüüd Saken doon oder kriegen köönt, de se meist jeden Dag bruken doot. En Middelzentrum büddt Saken an, de över disse Saken rutgaht, de de Lüüd blots denn un wenn bruukt oder blots welk Lüüd bruken doot.
En Böverzentrum büddt Saken an, de temlich speziell sünd un blots roor oder von wenig Lüüd bruukt warrt. Dat sünd to’n Bispeel so Saken as
- Ladens för spezielle Saken
- Spezialkrankenhüüs
- Theaters
- grote Museums
- Hoogscholen
- högere Behörden
En Böverzentrum övernimmt disse Opgaven ok för en Reeg lüttjere Öörd, Grundzentren un Middelzentren ümto.
Recht
ännernDe Begrepen Grundzentrum, Middelzentrum un Böverzentrum warrt vör allen in Düütschland in de Verwaltung bruukt. De rechtliche Rahmen is normalerwies op de Ebene von de Bundslänner fastleggt.
Neddersassen
ännern→ Hööftartikel: List von de Över- un Middelzentren in Neddersassen
De Böverzentren warrt in dat Lands-Ruumordnungsprogramm fastsett.[1]
Dat sünd: Celle, Göttingen, Hannover, Hilmssen, Lümborg, Ollnborg, Ossenbrügge, Soltgitter–Bruunswiek–Wulfsborg (de sik ergänzen doot) un Willemshaven.
Middelzentren mit Deelfunkschoon von en Böverzentrum: Demost, Emden, Hameln, Langenhogen, Lingen un Noordhorn.
Sleswig-Holsteen
ännernVon Sleswig-Holsteen sünd dat Flensborg, Kiel, Lübeck un Niemünster.
Weblenken
ännern- Christaller sien Theorie von de Zentralen Öörd (PDF, 1,06 MB; hoochdüütsch)