Grundzentrum
En Grundzentrum is en zentralen Oort von de ünnerste Ebene na dat System von de Zentralen Öörd in de Ruumplaneree un Weertschopsgeografie.
En Grundzentrum is en Oort, in den de Lüüd Saken doon oder kriegen köönt, de se meist jeden Dag bruken doot. Dat sünd to’n Bispeel so Saken as
- Grund- un Hauptschool
- Sportanlagen
- Dokters
- Arbeidsplätz
- Gemeenverwaltung
- Post
- Bank
- Aftheek
- Geschäften (to’n Bispeel Supermarkt, Tanksteed)
En Grundzentrum övernimmt disse Opgaven faken ok för en Reeg lüttjere Öörd ümto.
För Woren un Deensten, de de Lüüd blots denn un wenn maal bruken doot oder de nich överall anbaden warrn köönt, sünd de Middelzentren dor. För allens annere, wat noch seltener bruukt warrt, sünd de Böverzentren dor.
Recht
ännernDe Begrepen Grundzentrum, Middelzentrum un Böverzentrum warrt vör allen in Düütschland in de Verwaltung bruukt. De rechtliche Rahmen is normalerwies op de Ebene von de Bundslänner fastleggt.
Neddersassen
ännernDe Grundzentren warrt in de Regionalen Ruumordnungsprogramme fastsett.[1]
Weblenken
ännern- Christaller sien Theorie von de Zentralen Öörd (PDF, 1,06 MB; hoochdüütsch)