Baettr
Baettr is en Ünnernehmen, dat sien Seet in dat Industrierebeed op Bützfletersand bi’n Oort Bützfleet (Gemeen Stood in Neddersassen) hett. Dat Ünnernehmen stellt in verscheden Iesengetereen vör allen ut Iesen gaten Bodelen för Windkraftanlagen her.
Dat Ünnernehmen hett üm un bi 1100 Mitarbeiders un maakt en Ümsatz von 200 Milljonen Euro in’t Johr.[1] 25.000 Tunnen stellt Baettr in’t Johr her.[1]
Historie ännern
Dat Ünnernehmen is 2013 as Global Castings grünnt worrn.[2] De VTC Partners GmbH hett sik dorbi mit Vestas tohoopdaan.[2] Vestas hett sien Dochterünnernehmen Windcast, dat Vestas 2002 opköfft harr, in de Kooperatschoon inbröcht.[2] Dormit sünd Getereen in Noorwegen (Kristiansand), Däänmark (Lem), Düütschland (Bützfleet), Sweden (Guldsmedshyttan) un China (Xuzhou un Tianjin) in een Ünnernehmen tohoopbröcht worrn.[2]
Den 80 Hektar groten Standoort in Bützfleet mit 33.000 m² Gebüüd hett dat Ünnernehmen 2014 von Prokon Nord övernahmen un bedrifft em as Joint Venture mit Norderland/Etanax.[1] Noch fröher weer de Standoort in Besitt von Norsk Hydro.[1] Glieks blangenan liggt de Aluminium Oxid Stood. De Transport von de bet to 80 Tunnen sworen Bodelen löppt deelwies över’n Haven Bützfleet.
In’n Juni 2019 hett dat Ünnernehmen Global Castings den ne’en Naam Baettr kregen.[1]
Footnoten ännern
Weblenken ännern
- Websteed von dat Ünnernehmen (hoochdüütsch)
Koordinaten:53° 40′ N, 9° 30′ O