Bahnhoff Heckthusen

De Bahnhoff Heckthusen is en Bahnhoff mit de Bahnhoffskategorie 6 un een Gleis in Heckthusen. De Bahnhoff liggt an de Nedderelvbahn, de ut Hamborg kummt un na Cuxhoben geiht.

Bahnhoffsgebüüd
Bahnstieg un Parkplatz

He liggt an de Bahnhoffstraat (Landsstraat 116).

Historie ännern

1881 hett de Nedderelvbahn apenmaakt, de von Horborg na Cuxhoben geiht. Dor is denn ok de eerste Bahnhoff boot worrn. De Bahnverkehr in Heckthusen hett an’n 1. November 1881 anfungen. De Bahnhoff liggt in’n Süüdwesten von Heckthusen, an de Grenz na Klint mit’n Oortsdeel Koppel.

Nadem de Iesenbahnbrügg Heckthusen över de Oost an dat Enn von’n Tweten Weltkrieg, an’n 3. Mai 1945, sprengt worrn is, is de Brügg blots mit een Gleis wedder opboot worrn. Dorüm hett nu ok de Bahnhoff Heckthusen blots noch een Gleis, wieldes de annern Bahnhööv an de Nedderelvbahn all twee oder mehr Gleise hebbt.

De Gastweertschop in dat Bahnhoffsgebüüd hett 1976 dichtmaakt. Dat Gebüüd is denn an privat verköfft worrn.

In dat Bahnhoffsgebüüd weer bet 2014 en Stellwark ünnerbrocht. De Düütsche Bahn hett denn aver 16 Milljonen Euro in en neet elektroonsch Stellwark investeert un de olen Stellwarken in Himmelpoorten, Heckthusen un Dorum dichtmaakt. Dat ne’e Stellwark steiht nu in Heckthusen.[1]

De Afkörten in dat Bahnamtliche Betriebsstellenverzeichnis is AHEN[2] un de Internatschonale Bahnhoffsnummer 607977.

Dat Gleis hett en Siedenbahnstieg, de ok Huusbahnstieg is. De Bahnstieg is 200 Meter lang un 55 Zentimeter hoog.[3]

Personenverkehr ännern

Bedriever Öörd KBS Takt
DB Regio CuxhobenOterndörpKumbargWingstHemmoorHeckthusenHimmelpoortenHammohStoodHornborgBuxthuHamborg-HorborgHamborg Hauptbahnhoff KBS 121 elk Stünn

Footnoten ännern

  1. Düütsche Bahn: Baubeginn für ein neues Elektronisches Stellwerk in Hechthausen. 24. April 2014, https://www.deutschebahn.com/de/presse/pi_regional/6800386/nsb20140424.html
  2. Übersicht der Betriebsstellen und deren Abkürzungen aus der Richtlinie 100, dbnetze.com
  3. Bahnsteiginformationen Station Hechthausen

Weblenken ännern

  Bahnhoff Heckthusen. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 38′ N, 9° 14′ O