Bahnhoff Hornborg

De Bahnhoff Hornborg is en Bahnhoff mit de Bahnhoffskategorie 5 un twee Gleise in dat Dörp Hornborg. De Bahnhoff liggt an de Nedderelvbahn, de ut Hamborg kummt un na Cuxhoben geiht. De Bahnhoff höört to’n HVV.

Blick över’n Bahnhoff

Bahnhoffsgebüüd in Hornborg

He liggt in’n Westen von dat Zentrum an de Straat In’n Groten Sand.

Historie

1881 hett de Nedderelvbahn apenmaakt, de von Horborg na Cuxhoben geiht. Dor is denn ok de eerste Bahnhoff mit Bahnhoffsgebüüd boot worrn. De Bahnverkehr in Hornborg hett an’n 1. April 1881 anfungen.

As de Lien S3 von de S-Bahn Hamborg to’n Winterfohrplaan 2007/2008 bet Stood verlängert worrn is, is vörher noch de Bahnhoff Hornborg ümboot un moderniseert worrn. Hornborg harr vörher dree Gleise. Gleis 1 harr en Siedenbahnstieg un de annern beiden en Middelbahnstieg. Bi’n Ümbo is een Gleis kumplett afreten worrn. De twee Gleise, de denn bleven sünd, hebbt nu twee Siedenbahnstieg’.

De Afkörten in dat Bahnamtliche Betriebsstellenverzeichnis is AHOG un de Internatschonale Bahnhoffsnummer 598329.

Personenverkehr

Bedriever	Öörd	KBS	Takt
DB Regio	Cuxhoben – Oterndörp – Kumbarg – Wingst – Hemmoor – Heckthusen – Himmelpoorten – Hammoh – Stood – Hornborg – Buxthu – Hamborg-Horborg – Hamborg Hauptbahnhoff	KBS 121	elk Stünn

S-Bahn Hamborg

Lien

Verloop

Pinnbarg – Theesdörp – Halstenbeek – Kruupunner – Elbgaustraat – Eidelstedt – Stellingen – Langenfelde – Diebsteich – Altno – Königstraat – Reeperbahn – Lannungsbrüggen – Stadthuusbrügg – Jumfernstieg – Hauptbahnhoff – Hammerbrook (City Süüd) – (plaant: Elvbrüggen –) Veddel (BallinStadt) – Willemsborg – Horborg – Horborg Raadhuus – Heimfeld – Neewiedendaal – Neegraven – Fischbeek – Vosshusen – Buxthu – Neeklooster – Hornborg – Dollern – Gothenborg – Stood

Weblenken

Bahnhoff Hornborg. Mehr Biller, Videos oder Audiodateien to’t Thema gifft dat bi Wikimedia Commons.