Bar (Eenheit)
| Eenheit | |
|---|---|
| Norm | SI-Eenheit |
| Naam | Bar |
| Grött | Druck |
| Eenheitenteken | bar |
| Formelteken | p |
| nöömt na | gr.: báros,-eia,-ú „swor“ |
Dat Bar is en physikaalsch un technisch Eenheit för den Druck na dat SI-System. De Naam is afleidt vun dat greeksche Woort βάρος för „swor“.
De Eenheit Bar hett in de Bundsrepubliek Düütschland un in Öösterriek an’n 1. Januar 1978 de Eenheit physikaalsche Atmosphäär (afkört: atm) aflöst. De wiet verbreedt Afkörten atü („Atmosphäär Överdruck“) is dör „Bar Överdruck“ tuuscht worrn. An sik is de offiziell SI-Eenheit för den Druck dat Pascal, wat en teemlich lütte Eenheit is. In de DDR is dat Pascal an’n 1. Januar 1980 verbindlich as Eenheit för den Druck inföhrt worrn un an de Steed vun de ollen Eenheiten kp/cm², mmWS un at btw. atm treedt.
Na de EG-Richtlinien 80/181/EWG dröff de Eenheit Bar aver wieter bruukt warrn un kann ok licht in annere SI-Eenheiten ümrekent warrn. 1 Bar is butendem de Druck üm den de hydrostaatsch Druck anwassen deit, wenn de Waterdeep üm teihn Meter stiggt. En poor eenfache Ümreken gellt: 1 bar = 105 N/m² = 105 Pa 1 mbar = 1 hPa = 100 Pa 1013,25 mbar = 1013,25 hPa = 1 atm (Normaldruck) De nafolgend Tabell gifft en gröttere Översicht.
Ümreken vun Druckeenheiten
ännern| Pascal | Bar | technische Atmosphäär | physikaalsche Atmosphäär | Torr | Pund op’n Quadrattoll | |
|---|---|---|---|---|---|---|
| (Pa) | (bar) | (at) | (atm) | (torr) | (psi) | |
| ≡ 1 N/m² | ≡ 1 Mdyn/cm² | ≡ 1 kp/cm² | ≡ pSTP | ≡ 1 mmHg | ≡ 1 lbf/in.² | |
| 1 Pa | 1 | 1,0000 · 10−5 | 1,0197 · 10−5 | 9,8692 · 10−6 | 7,5006 · 10−3 | 1,4504 · 10−4 |
| 1 bar | 1,0000 · 105 | 1 | 1,0197 · 100 | 9,8692 · 10−1 | 7,5006 · 102 | 1,4504 · 101 |
| 1 at | 9,8067 · 104 | 9,8067 · 10−1 | 1 | 9,6784 · 10−1 | 7,3556 · 102 | 1,4223 · 101 |
| 1 atm | 1,0133 · 105 | 1,0133 · 100 | 1,0332 · 100 | 1 | 7,6000 · 102 | 1,4696 · 101 |
| 1 torr | 1,3332 · 102 | 1,3332 · 10−3 | 1,3595 · 10−3 | 1,3158 · 10−3 | 1 | 1,9328 · 10−2 |
| 1 psi | 6,8948 · 103 | 6,8948 · 10−2 | 7,0307 · 10−2 | 6,8046 · 10−2 | 5,1715 · 101 | 1 |
Exponentialtallen sünd op veer Steden runnt.
Afsluut un Atmosphäär-Relativ
ännernIn’n normalen Spraakbruuk in’n Alldag warrt de Druck tomeist in’n Betog op den atmosphäärschen Druck meten. Wenn also een den Druck in sien Autoreifen nakieken un en Druck vun 2,3 bar meten deit, denn hett de Reifen in Würklichkeit 3,3 bar. De ümgevend atmosphäärsche Druck liggt neemlich bi 1 bar, un dat wat meten warrt is de Differenz dorto.
Bi Anwennen, wo dat nich kloor is, wat meent is, mutt dat dorbi schreven warrn. För Angaven vun den afsluten Druck gifft dat dorüm ok de Schrievwies „bara“ oder „bar(a)“, för relative Druckangaven warrt ok de Schrievwiesen „bar/Ü“, „bar/rel“ oder „barg“ (bar gauge) bruukt.