Wapen/Flagg Koort
Wapen unbekannt
Bassenfleet
Laag vun Bassenfleet in Düütschland
Basisdaten
Bundsland: Neddersassen
Landkreis: Stood
Samtgemeen: Lüh
Gemeen: Hullern-Twielenfleth
Inwahners:
Postleettall: 21723
Vörwahl: 04141
Geograafsche Laag:
Koordinaten:53° 37′ N, 9° 32′ O
53° 37′ N, 9° 32′ O

Karte

Bassenfleet (hoochdüütsch Bassenfleth) is en Dörp in de Gemeen Hullern-Twielenfleth, Samtgemeen Lüh in’n Landkreis Stood, Neddersassen. Dat Dörp liggt in Oolland an de Elv. Good kennt is de Oort vör allen ok för sien Sandstrand an de Elv.

Luftbild von Bassenfleth (Bildmidd) 2012

Geografie ännern

De Naveröörd sünd Stodersand in’n Noordwesten, Twielenfleet in’n Oosten, Hullern in’n Süüdoosten, Speersoort in’n Süden un Wöhrn in’n Westen.

Historie ännern

Bassenfleet weer fröher de Seet von de Adelsfamilie von Plaat.

De Oort weer vör 1885 Deel von dat Amt Jörk un weer denn in’n Kreis Jörk. 1932 is dat an’n Landkreis Stood kamen.

In’n Eersten Weltkrieg sünd negen Soldaten ut Bassenfleet fullen oder vermisst[1].

Inwahnertall ännern

Johr Inwahners
1824-00-001824[2] 23 Hüüs

Kultur ännern

En Denkmaal för de Bassenfleter Fullenen ut de twee Weltkrieg’ steiht bi’n Karkhoff in Twielenfleet.

Weertschop un Infrastruktur ännern

Bi Bassenfleet steiht dat Kernkraftwark Stood, dat von 1972 bet 2003 lopen is un nu afbraken warrt. Von 1962 bet in de Johren 1980 lööp dor ok dat Kraftwerk Schilling, dat mit Swoorööl bööt worrn is.

För Bassenfleet is de freewillige Füürwehr Hullern-Twielenfleet (grünnt 1891) mit tostännig. Bet 2002 harr de Oort en egen Löschgrupp un Sprüttenhuus.

Verkehr ännern

Bassenfleet is en Stratendörp an de Kreisstraat 32. In’n Westen löppt de Straat na Speersoort an de Landsstraat 140 un na Wöhrn an de Landsstraat 111 un in’n Oosten na Twielenfleet un denn an de Landsstraat 140.

Lüchtfüür ännern

Dat Lüchtfüür Bassenfleet an de Elv hett von 1896 bet 1959 stahn. 1896 hett de Bo anfungen un an’n 1. November 1897 hett de Bedriev anfungen. Dat weer en 37 m hogen, sösskantigen Toorn ut Stahlgitter op en Steensockel. An’n 5. August 1959 hebbt se dat Lüchtfüür denn utdaan un den Toorn in’n November afreten.

Footnoten ännern

  1. http://www.denkmalprojekt.org/dkm_deutschland/hollern-twielenfleth2_ns.htm
  2. C. H. Jansen: Statistisches Handbuch des Königreichs Hannover. 1824, Sied 42: http://books.google.de/books?id=tG0AAAAAcAAJ&pg=PA42

Weblenken ännern

  Bassenfleet. Mehr Biller, Videos oder Audiodateien to’t Thema gifft dat bi Wikimedia Commons.