Wöhrn (Landkreis Stood)

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Lüh Gemeen: Hullern-Twielenfleet
Inwahners:
Postleettall:	21723
Vörwahl:	04141
Geograafsche Laag:	53° 37′ N, 9° 31′ O

Wöhrn (hoochdüütsch Wöhrden) is en Oort in de Gemeen Hullern-Twielenfleet (Samtgemeen Lüh) in’n Landkreis Stood, Neddersassen. De Oord höört polietsch al von öllers bi Twielenfleet mit bi.

Geografie

Wöhrn liggt in de Masch un höört to Oolland. De Oord is von de Swing knapp een Kilometer af un von de Elv knapp twee Kilometer.

De Naveröörd sünd Brunshusen, Stodersand un Melau in’n Noorden, Bassenfleet in’n Oosten, Twielenfleet un Hullern in’n Süüdoosten, Speersoort in’n Süden, dat Oollanner Veerdel von Stood in’n Süüdwesten un Schölisch un Hörn in’n Noordwesten.

Historie

Verwaltungsgeschicht

De Oort hett vör 1852 to dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.

Inwahnertall

Johr	Inwahners
1871-12-011. Dezember 1871	74 Lüüd, 8 Hüüs

Religion

Wöhrn is evangeelsch-luthersch präägt un höört to dat Kaspel von de Marienkark in Twielenfleet.

För de Kathoolschen is de Hillig-Geist-Kark in Stood tostännig.

Kultur

En Denkmaal för de Fullenen ut de twee Weltkrieg’ steiht in Twielenfleet op’n Karkhoff.

Weertschop un Infrastruktur

Verkehr

Dicht an Wöhrn langs löppt de Landsstraat 111. De nächste Opfohrt op disse Straat liggt aver eerst twee Kilometer in’n Süüdwesten. De L 111 geiht in’n Noordwesten över Bützfleet na Drochters un in’n Süden bi Ottenbeek un Gothenborg an de Bundsstraat 73 ran. In’n Süüdoosten löppt de Dörpstraat von Wöhrn an de Kreisstraat 32 ran, de in’n Süden na de Landsstraat 140 föhrt.

De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so fiev Kilometer in’n Süden von Melau an de L 111.

De nächste Bahnhoff is so bi veer Kilometer wied weg in’n Süüdwesten de Bahnhoff Stood an de Nedderelvbahn von Cuxhoben na Hamborg.