Stodersand
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21683 | |
| Vörwahl: | 04141 | |
| Geograafsche Laag: | Koordinaten:53° 38′ N, 9° 31′ O53° 38′ N, 9° 31′ O | |
|
| ||
Stodersand (hoochdüütsch Stadersand) is en Oort in de Gemeen Stood in’n Landkreis Stood, Neddersassen.
Geografie
ännernStodersand liggt direkt an de Münn von de Swing in de Elv. Fröher weer dat en Insel in de Elv.
De Naveröörd sünd Bassenfleet in’n Süden, Melau in’n Süüdwesten, Brunshusen un Snee in’n Westen un Götzdörp un Bützfleet in’n Noordwesten. Op de anner Sied von de Elv liggt Scholenfleet un Haseldörp.
Historie
ännernAn’n 1. November 1897 hett dat Lüchtfüür Stodersand sien Bedriev opnahmen. Dat harr en witt Blinkfüür op en Höögd von 18 m un en witt Fastfüür op 15,2 m Höögd. De Toorn weer alltohoop 20 m hoog. Dat Lüchtfüür hebbt se an’n 5. August 1959 utdaan. In dat Johr hebbt se en neet Lüchtfüür opstellt. Dat 21,9 m hoge Ünnerfüür steiht an de Münn von de Swing un dat 37,95 m hoge Bavenfüür bi dat Industrierebeed.
Stodersand is noch bet 1924 en egen Gemeen bleven un is denn mit de Gemeen Stood tohoopleggt worrn.
Inwahnertall
ännern| Johr | Inwahners |
|---|---|
| 1848[1] | 19 Lüüd, 2 Hüüs |
| 1. Dezember 1871[2] | 111 Lüüd, 8 Hüüs |
| 1. Dezember 1910[3] | 102 |
Religion
ännernStodersand is evangeelsch-luthersch präägt un höört to dat Kaspel von de Cosmae-Kark in Stood. Fröher hett de Oort to de Wilhadi-Kark in Stood tohöört.
För de Kathoolschen is de Hillig-Geist-Kark in Stood tostännig.
Kultur
ännernEn Denkmaal för de Fullenen ut de twee Weltkrieg’ steiht in Brunshusen[4].
Weertschop un Infrastruktur
ännernVerkehr
ännernDe nächste Bahnhoff is de Bahnhoff Stood an de Nedderelvbahn.
Scholen
ännernOp Grundschool gaht de Kinner na de Grundschool Bockhorster Weg, op Hauptschool na de Hauptschool Thuner Straat, op Realschool na de Realschool Camper Höh, op de Integreerte Gesamtschool na Hogenwedel un op Gymnasium na dat Vincent-Lübeck-Gymnasium.
Footnoten
ännern- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ http://www.denkmalprojekt.org/2010/stade-brunshausen_wk1u2_ns.htm
