Ben Monder
Ben Monder (* 24. Mai 1962 in New York City) is en US-amerikaansch Jazz-Gitarrist.
He hett an de University of Miami un an dat Queens College studeert un leevt in New York, wo he ünner annern mit Jack McDuff, Marc Johnson, Lee Konitz, George Garzone, Tim Berne, Rashied Ali, Karl Berger, Herb Robertson, Perry Robinson, Michał Urbaniak, Michael Formanek, in de Band Right Brain Patrol mit Arto Tunçboyaçiyan un Marc Johnson, dat Carnegie Hall Jazz Orchestra, dat Kenny Wheeler Large Ensemble un in Guillermo Klein sien Los Guachos uptreden is. He is Liddmaat vun dat Maria Schneider Jazz Orchestra, dat Lee Konitz New Nonet un vun Paul Motian sien Electric Bebop Band. Mit Drew Gress un Tom Rainey hett he todem en eegen Trio grünnd.
Monder ünnernehm Tourneen mit Jack McDuff sien Band un nehm an de Europatournee vun Joris Dudli sien New York Project deel. Bither hett he an över söbentig CDs as Sideman mitwarkt un hett mehrere Alben as Bandleader maakt: 1995 Flux (mit Jim Black un Drew Gress), 1997 Dust (mit Jim Black un Ben Street) un No Boat (mit Jim Black, Theo Bleckmann un Skúli Sverrisson), 2000 Excavation (in de Besetten as No Boat) un 2005 Oceana (mit Theo Bleckmann, Kermit Driscoll, Ted Poor un Skuli Sverrisson). Ok mit Kristjan Randalu hett he en Album maakt.