Bent Larsen

Jørgen Bent Larsen (* 4. März 1935 in dat Karkspeel Tilsted, Thisted Kommune; † 9. September 2010 in Buenos Aires) weer en däänsch Schach- Grootmeester.

Bent Larsen

Leven

Bent Larsen weer 1954, 1955, 1956, 1959, 1963 un 1964 Landsmeester vun Däänmark. Den Grootmeestertitel kreeg he 1956 dör en hervörragend Ergebnis bi de Schacholympiade in Moskau, indem he an dat 1. Brett vun de däänsch Manschap 14 vun 18 möglichen Punkten schafft hett. Insgesamt speel he söss Mal bi Schacholympiaden för Däänmark un wunn en Goldmedaille (1956 in Moskau) un tweemal en darten Platz in de Brettwertung.

Tüschen 1964 un 1971 gull he neben Robert James Fischer as best Spieler buterhalv vun de Sowjetunion. He wunn in disse Tiet de Interzonenturniere 1964 in Amsterdam un 1967 in Sousse, as ok de Turniere in Havanna 1967 un Monaco 1968. Bi de Wettstriet UdSSR tegen den Rest vun de Welt 1970 in Belgrad speel he an dat Spitzenbrett, wobi he dree Partien tegen Boris Spasski utgleeken hollen de un tegen den Ersatzmann Leonid Stein wunn. In dat Haffinale vun dat Kandidatenturnier 1971 wurr he aber vun Fischer mit 6:0 in Denver slahn. 1976 wunn he in Biel nochmals en Interzonenturnier. Dornah gung dat aber so langsam mit hüm bargaf.

Larsens best Historsch Elo-Tall bedrog 2755 in Februar 1971. To de Tiet leeg he up Platz 3 vun de Weltranglist.

1980 hett Larsen in Buenos Aires sien latere Frau, en Juristin un Afkaat mit Doktertitel, kennenlernt un leev sietdem in Argentinien.

1988 gung he ok in de Historie vun dat Computerschach in, indem he as eerst Grootmeester en Partie ünner Turnierbedingungen tegen en Computer, Deep Thought, verlor.

Larsen gull as bannig originell Speler. Nah hüm is dat Anspeel 1. b3 (dat Larsen-System) nömmt wurrn. Neben sien Autobiographie, de dat in düütsch, engelsch, franzöösch, russ’sch un spaansch gifft, hett he ok eenig Lehrböker in däänsch schreven. In de Schachtietschrift Kaissiber schreev he de regelmatige Kolumne Ohne Krawatte, in de he Leserfragen beantworten dee.

Literatur

• Bent Larsen: Ich spiele auf Sieg. Verlag Kühnle-Woods, Zürich 1971
• Eric Brøndum: Bent Larsen, the fighter. Dansk Skakforlag, Kopenhagen 1978. ISBN 87-87187-08-6
• Bent Larsen: Alle Figuren greifen an. Band 1, SchachDepot Verlag, Stuttgart 2009. ISBN 978-3-9812856-0-4

Weblenken

Bent Larsen. Mehr Biller, Videos oder Audiodateien to’t Thema gifft dat bi Wikimedia Commons.

• FIDE-Koort
• Literatur vun un över Larsen in de Deutsche Nationalbibliothek
• Bent Larsens Schachpartien up chessgames.com (engelsch)