Bill Bixby

Bill Bixby (* 22. Januar 1934 in San Francisco; † 21. November 1993 in Century City, Los Angeles, Kalifornien; börgerlich: Wilfred Bailey Bixby) weer en US-amerikaanschen Schauspeler un Speelbaas.

Leven un Wark

Bixby hett twüschen 1963 un 1966 in de Feernsehreeg My Favorite Martian den Reporter Tim O’Hara speelt. De Reeg is vun 1976 an ok in’t ZDF sennt worrn. Internatschonal bekannt worrn is Bixby mit de The Courtship of Eddie's Father (1969-72), in de he de Hööftrull harr. Dorna weer he in de Feernsehreeg The Incredible Hulk as de Wetenschoppler Dr. Banner to sehn, dör de he weltwiet noch bekannter worrn is. De Pilotfilm dorto weer 1977 in de USA to’n eersten mol utstrahlt. Vun 1978 bit 1982 lööp de Reeg mit Spood op CBS.

Bixby hett aver ok as Speelbaas arbeit un hett to’n Bispeel dree Feernsehfilmen över den Hulk dreiht, de na dat Enn vun de Feernsehreeg dreiht worrn sünd.

In’t Johr 1993 is Bixby an Prostatakrebs doodbleven. Bixby leev to disse Tiet in sien drüdde Eh.

Filmografie (Utwahl)

Johr	Titel	Funkschoon	Synchroonsnacker
1966	Ride Beyond Vengeance dt.: Tag der Abrechnung	Schauspeler	Klaus Kindler
1963-66	My Favorite Martian, Feernsehreeg dt.: Mein Onkel vom Mars	Schauspeler	Berno von Cramm
1967	Doctor, You’ve Got to Be Kidding! dt.: Doktor – Sie machen Witze!	Schauspeler
1967	Clambake dt.: Nicht nur Millionär sein	Schauspeler
1968	Speedway	Schauspeler	Arne Elsholtz
1971	Congratulations, It's a Boy!, Feernsehn dt.: Vater wider Willen	Schauspeler	Norbert Langer
1969-72	The Courtship of Eddie’s Father, Feernsehreeg dt.: Eddies Vater	Schauspeler Speelbaas	Norbert Langer
1973-74	The Magician, Feernsehreeg dt.: Der Magier	Schauspeler Speelbaas
1975	The Apple Dumpling Gang, Feernsehreeg dt.: Die Semmelknödelbande	Schauspeler
1977	Kentucky Fried Movie	Schauspeler	Michael Brennicke
1978	Three on a Date, Feernsehn	Speelbaas	—
1982	Murder Is Easy, Feernsehn dt.: Mörderische Leidenschaft	Schauspeler	Norbert Langer
1977-82	The Incredible Hulk, Feernsehreeg dt.: Der unglaubliche Hulk	Schauspeler	Ekkehardt Belle
1983-84	Goodnight, Beantown, Feernsehreeg	Schauspeler
1985	Rockhopper, Feernsehn	Speelbaas	—
1987-88	Sledge Hammer!, Feernsehreeg dt.: Der Hammer	Speelbaas	—
1988	The Incredible Hulk Returns, Feernsehn dt.: Die Rückkehr des unheimlichen Hulk	Schauspeler Speelbaas	Volker Kraeft
1989	The Trial of the Incredible Hulk, Feernsehn dt.: Der unheimliche Hulk vor Gericht	Schauspeler Speelbaas	Ekkehardt Belle
1990	The Death of the Incredible Hulk, Feernsehreeg dt.: Der Tod des unglaublichen Hulk	Schauspeler Speelbaas	Ekkehardt Belle
1991	Another Pair of Aces: Three of a Kind, Feernsehn dt.: Zwei Asse schlagen wieder zu	Speelbaas	—
1992-94	Blossom, Feernsehreeg	Speelbaas	—

Utteken

Bixby weer dreemol för den Primetime Emmy un för wietere veer Priesen nomineert. Wunnen hett he blots een Pries, man at weer nich to sien Leevtieten. Eerst 2008 weer he mit den TV Land Awards in de Kategorie Figur, de een NIENICH argerlich maken müch ehrt för sien Rull as Hulk.

Weblenken

• Bill Bixby in de Internet Movie Database (engelsch)