Blauvigeletten Loopkäver
Bi den Blauvigeletten Loopkäver (Carabus problematicus) hannelt sik dat um en Käver ut de Familie vun de Echten Loopkävers (Carabus).
| Blauvigeletten Loopkäver | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||
| Systematik | ||||||||||||||||||||||||
| ||||||||||||||||||||||||
| Wetenschoplich Naam | ||||||||||||||||||||||||
| Carabus problematicus | ||||||||||||||||||||||||
| Herbst, 1786 |
Kennteken ännern
De Blauvigelette Loopkäver warrt bit hen to 30 Millimeters lang un höört dor to de groten Aarden mank de Kävers mit. Sien Lief, un sunnerlich de Deekflunken un dat Halsschild lücht blau bit blauswatt. Langs over de Deekflunken hen loopt Gölen un Kedenregen, de man nich sunnerlich düütlich utpräägt sünd.
Wo he vörkamen deit ännern
In grode Deele vun Europa kummt düsse Käver vör, meist is he faken antodrepen, sunnerlich in MIddel- un Süüdwesteuropa. Ööstlich vun’e Elv warrt he raar un lett sik bloß noch he nun wenn mol sehn. In Skandinavien is he bit över den Polarkreis hen to finnen. He leevt sunnerlich in de Middelbarge un up högere Barge bit dorhen, wo bloß noch lüttje Strüker wassen doot.
Wie he leven deit ännern
_hibernating_in_dead_wood_(13536164754).jpg)
De Blauvigelette Loopkäver wohnt in allerhand verscheden Aarden vun Woold, as Nadel-, Loof- un Mischwoold, ok in Hecken un utdröögt Moor mit Woold dorup. In Gemarken, de wat höger in’e Barge liggt un in Noordeuropa mag he dat an’n leevsten, wenn dat dröge is. De Deerter sünd to finnen unner Steen, Stubben vun Doodholt, Boomstämm, de umfullen sünd, ok unner Bark un Moss an Bööm. As de meisten groten Loopkävers is de Blauvigelette Loopkäver en Röver un jaagt sunnerlich annere Insekten un de ehre Budden, dorto ok Sniggen un Wörmer. He is unnerwegens in de Schummertied vun Mai- bit Septembermaand. Dat hangt vun dat Umto af, ob he as Budde oder as Imago överwintern deit. Ok de Tied, wo he sik vermehren deit, hangt vun de Temperatur af.
Galerie ännern
-
Biller vun allerhand Carabus-Aarden, dormank ok de Blauvigelette Loopkäver -
Blauvigeletten Loopkäver in Noordbrabant -
Blauvigeletten Loopkäver mit tweie Deekflunken
Literatur ännern
- Ekkehard Wachmann, Ralph Platen, Dieter Barndt: Laufkäfer – Beobachtung, Lebensweise. Naturbuch Verlag, Augsborg 1995, ISBN 3-89440-125-7.
Weblenken ännern
Blauvigeletten Loopkäver. Mehr Biller, Videos oder Audiodateien to’t Thema gifft dat bi Wikimedia Commons.