Bob Enevoldsen (* 11. Januar 1920 in Billings (Montana) as Robert Martin Enevoldsen; † 19. November 2005 in Los Angeles) weer en US-amerikaansch Jazz-Basuunist, Bassist un Arrangeur vun den West Coast Jazz. He hett mit Art Pepper, Shorty Rogers un Shelly Manne tosommen speelt.

Bob Enevoldsen studeer an de University of Montana, wo he 1942 mit en Diplom in Musiktheorie afslooten hett. Nah sien Militärdeenst to’n Anfang vun sien Musikerkarriere speel Enevoldsen Klarinett in dat Sinfonieorchester vun Utah. 1951 truck he nah Los Angeles, wo he in ünnerscheedlich West Coast Jazz-Formationen tätig weer, so as Bassist 1954/55 bi Bobby Troup. 1955 weer he Grünnensliddmaat vun de Formation Shelly Manne & His Men. Faken weer he as Ventilbasuunist to hören, he speel aber ok Tenorsaxophon. Enevoldsen hett Plattenupnahmen mit Leonard Feather, Tal Farlow, Bob Florence, Terry Gibbs, Gerry Mulligan, Lennie Niehaus, Marty Paich, Art Pepper, Dave Pell un Shorty Rogers as ok Howard Rumseys Lighthouse All Stars makt un hett ok ünner eegen Naam verapenlicht. In de 1960er Johren weer he as Studiomusiker in verscheeden Feernsehshows tätig, so för Ray Anthony, Steve Allen, Woody Woodbury, Peter Marshall un dat Los Angeles Neophonic Orchestra; buterdem hett he de Singerinnen Ella Fitzgerald un Anita O’Day begleit. In de 70ern hett he mit Bob Crosby, Jack Lesberg, Tex Beneke, Bill Holman, Mel Tormé un de Lighthouse All Stars arbeit. In de 1990er Johren weer Enevoldsen meest immer as freeschaffend Musiker tätig; so wark he ok an dat Album A View From The Side vun Bill Holman mit.

Diskographisch Henwiesen ännern

  • Ella Fitzgerald: Ella Swings Lightly (Verve, 1958)
  • Tal Farlow: Jazz Masters (Verve, 1955-58)
  • Herbie Harper: Five Brothers (VSOP, 1955)
  • Bill Holman: A View From The Side (JVC, 1995)
  • Shelly Manne: The West Coast Sound (OJC, 1955)
  • Lennie Niehaus: Zounds (OJC, 1954-56); The Octet No. 2, Volume 3 (OJC, 1955)
  • Art Pepper: Modern Jazz Classics (OJC, 1959)
  • Shorty Rogers: Courts The Count (RCA, 1954); The Wizard Of Oz (RCA, 1959)

Literatur ännern