Hauptmenü öffnen

Bolko Bullerdiek (* 9. Januar 1939 in Mbozi, Tansania) is en plattdüütschen Schriever.

Bullerdiek is 1939 in Mbozi in Tansania boren un in Bookholtbarg bi Ollnborg opwussen. He hett in Demost Industriekoopmann lehrt. In Ollnborg hett he Abitur maakt un in Hamborg op Schoolmeester studeert. He weer denn Lehrer un dee in Hamborg bi de Lehrerfortbildung arbeiden. He deit nu in Hamborg leven un hett twee Döchter.

1993 hett Bullerdiek den Freudenthal-Pries kregen. He harr al 1989 den tweten Platz bi’n Freudenthal-Pries maakt. 1995 kreeg he den Fritz-Reuter-Pries un 2000 hett sien Geschicht bi’n Schrievwettstriet Vertell doch mal den eersten Pries wunnen. Ok in’e Redakschoon vun’n Quickborn deit he sitten un is in’n Vörstand vun Vereen Bemsen-Dagfohrt.

WarkenÄnnern