Boubacar Sanogo
Boubacar Sanogo (* 17. Dezember 1982 in Dimbokro) is en ehmalger Footballspeler vun de Elfenbeenküst. Toletzt speel he för den VSG Altglienicke
| Boubacar Sanogo | ||
 | ||
| Spelerinformatschonen | ||
|---|---|---|
| Vullstännig Naam | Boubacar Sanogo | |
| Geboortsdag | 17. Dezember 1982 | |
| Geboortsoort | Dimbokro, Elfenbeenküst | |
| Positschoon | Störmer | |
| Vereensinformatschonen | ||
| Vereen | AS St. Etienne | |
| Verenen in de Jöögd | ||
| 1992–1999 | Siroco FC San Pedro | |
| Verenen as Speler1 | ||
| Johren | Vereen | Spelen (Doren) |
| 1999–2002 2002–2005 2005–2006 2006–2007 2007– |
Espérance Tunis Al Ain Club 1. FC Kaiserslautern Hamborger SV Werder Bremen |
39 (27) 54 (43) 24 (10) 31 (4) 29 (10) |
| Natschonalmannschop2 | ||
| 2006–2010 | Elfenbeenküst | 21 (8) |
|
1 Blots Liga-Spelen. | ||
Sien Weg as Footballer
ännernIn’n Vereen
ännernToeerst hett Sanogo as Störmer in de Elfenbeeküst bi Siroco FC San Pedro speelt. Denn is he na Tunesien gahn un hett bi Espérance Sportive de Tunis ünner Verdrag stahn. 2002 föhr sien Weg na de Vereenigten Araabschen Emiraten. Dor hett he bit 2005 bi Al Ain Club ut Abu Dhabi speelt. Dor hett he in 54 Spelen 43 mol drapen un in dat Johr 2003 de AFC Champions-League wunnen. To de Speeltied 2005/2006 is he na Düütschland kamen un bi den 1. FC Kaiserslautern en Verdrag bit 2009 unnerschreven. Glieks in sien eerst Speel för Lautern hett he gegen Duisborg sien eerst Bundsliga-Door maakt. Dor is he denn en vun de Pälzer ehre wichtigsten Speler wurrn. De Lüde müchen em bannig lieden un geven em de Ökelnaams „Bobbycar“ un „Bouba“. In’n Februar 2006 is he to’n besten Footballer vun’n Maand wurrn.
To de Saison 2006/2007 güng he för en Aflöös vun taxeert 3,8 Mio. € na Hamborg. För den HSV hett he ok glieks in sien eerst Speel (gegen Werder Bremen) in den DFB-Ligapokal en Door schaten. Ok in sien eerst Bundsliga, sien eerst DFB-Pokal- un sien eerst Champions-League-Speel för den HSV hett he jedet Mol drapen. De Rest vun de Saison weer denn avers nix.
To de Speeltied 2007/2008 hett he na Bremen to den SV Werder wesselt. He scholl an Miroslav Klose siene Steed treden. De weer to’n FC Bayern München gahn. In Bremen hett he en Verdrag bit 2011 unnerschreven.[1] Ok bi Werder hett he glieks in sien eerst Speel drapen. Dat weer dat 1:0 vun Werder gegen Eintracht Bruunswiek in de 1. Runn vun’n DFB-Pokal. Man later is he in de twede Rege vun de Störmers bi den SV Werder afglitscht. Stammspelers in’n Storm sünd Claudio Pizzarro un Markus Rosenberg ween. Sanogo hett mit Hugo Almeida üm den drüdden Platz streden. Amenne hett he den SV Werder verlaten un an'n 20. August 2009 en Verdrag bi den franzööschen Vereen AS St. Etienne unnerschreven.
Natschonalmannschop
ännernIn’n Harfst 2006 is Sanogo to’n eersten Mol för de Natschonalmannschop vun de Elfenbeeküst beropen wurrn. Dor mutt he sik gegen de starken Diedier Drogba, Salomon Kalou un Abdul Kader Keita dörsetten.
Bi de Afrikameesterschop 2008 hett he mit siene Mannschop dat Speel um Platz 3 schafft. Man, ofschoonst he twee Doren in dat „lüttje Finale“ schaten hett, is sien Team denn doch bloß Veerten wurrn.
Wat he schafft hett
ännern- AFC Champions League-Winner 2003 mit Al Ain Club