Breoksen

Breoksen (haugduitsk: Brokhausen) es eun Dörp dat vandage teo Deppelt mit büi höört un in’ Krüis Lippe in Noordrhüin-Westfolen liggt. Vandage liebet 620 Minsken in’n Dörp.

Wapen/Flagg	Koort
Basisdaten
Inheemsch Naam:	Breoksen
Bundsland: Noordrhüin-Westfolen Krüis: Lippe Stadt: Deppelt
Flach:	4,10 km²
Inwahners:	620 (1.Aug.2006)
Inwahnerdicht:	151,2 Inwahners pro km²
Hööchd:	169 m över de See
Postleettall:	32758
Vörwahl:	05231
Geograafsche Laag:	51° 58′ N, 8° 56′ O
Koort

Geografie

De Oort es knapp 4 km van’n Stadtzentrum in Richte Noord-Aust weg. Üm rüm liggt Kluite in’n Noord-Westen, Barksen in’n Noord-Austen, Meoske in’n Süüd-Westen un Hakedaal in’n Süden.

Historie

Dat Breok in’n Nomen kümmt van den plattduitsken Weort Brook af un wüist up eun vörmaligen Sump hen. De eerste Urkunne, wo dat Dörp mit den Nomen Brocksen in steuht es iut’n Johre 1621. Man es sik öwwer vermodend dat’t Dörp öller es, denn dat gifft Urkunnen de över eunen Pothof schrüiven, just an’r sülvigen Stied os vandage Breoksen. Teo den Pothof höör eun Peol mir büi, de bet vandage os de Dörppeol besteuht.

Verwaltungshistorie

Den 1. Januar 1970 wurr Breoksen no de Krüisstadt Deppelt ingledert.

Inwahner

1954 hadde dat Dörp 440 Inwonners. Vandage liebet hür 660 Minsken.

Religion

Breoksen is just os meust ollerwegens in Lippe evangeelsk-reformeert. Dat Dörp höört teo’n Pfarrbezirk III van’r Kerkgemeune Deppelt-Aust.

För de Kathollsken es de Kerke Sünne Marien in’n Deppelter Noorden teostännig.

Politik

De Oortsbörgermeister es Hermann Ollenburg (CDU) un Vertreter in’n Stadtroot es upstunns Rüdiger Preuß (SPD).

Kultiur

Vereune

In Breoksen gifft den Heumatvereun Breoksen/Barksen un den Turnvereun Breoksen van 1970.

Dat Dörp het auk eunen Schützenvereun den Schützenverein KKLGV (Kleinkaliber Luftgewehr Verein) Brokhausen von 1971 e. V.

Fuurräder

Elk an Austern werrt Fuurräder eunen Knüll daal rullt.

Verkehr un Infrastruktur

Fuurwehr

De Oort het eune Früchwillige Fuurwehr, de in’n Johre 1809 gründet wurr. Mit de Inglederung van Breoksen os eun Deppelter Oortsdeul wurr auk de Breokser Fuurwehr mit’r Deppelter teohaupe foot. Hüüt es seu binnen de Deppelter Früchwillige Fuurwehr eune eugene Löschtruppe un besteuht iut circa 70 Manns- un Friunsluie. De Breokser Truppe is teostännig för de Oorte Barksen, Hakedaal, Jerxen-Orbke, Kluite und Meoske un billet teohaupe mit de Löschgruppe Bentrup de Löschtrupp Deppelt Noord.

Scheolen un Kinnergoorns

De Oorthet keune Scheole man eunen eugenen Kinnergoorn.

Plattduitsk

De Kreisel, de blangen dat Dörp liggt heut offischiel Brokser Kreisel, is also no′n plattduitsken Nomen un no′n haugduitsken Namen nöimet. In’r Midde van’n Kreisel steuht eun Paneel, wo Breokser Kreisel up steuht. Dat hett de Heumatvereun Breoksen maket, de auk de Bleomenrabatten in den Kreisel anplant.

In’n Dörp an’r Breokser Strote, steuht eune Euke, de Breokser Friens-Euke nöimet werrt. De Euke wurr 10 Johr no den duitsk-fransken Krüige van 1870/71 plant. Först Bismarck spendete de Poten, just seo os veule annere Frienseuken in heel dat Duitske Rüik. 1987 wurr eun Schild mit’r platduitsken Beschriften Breokser Friens-Euke upstellt.

Weblenken

• Offizielle Website der Stadt Detmold
• Website des Ortsteils Brokhausen

Eordsdeule van Deppelt

Barksen | Bentrup | Böjjerbieke | Bövverschäunhagen | Breoksen | Deppelt-Noord | Deppelt Süüd | Düsselbreok | Hakedaal | Hiddsen | Hillgenkerken | Hauernaulentrup | Iusendörp | Jerxen-Orbke | Kluite | Lossbreoke | Meoske | Nüijjen | Nüiwauld | Öttern-Breemke | Püivitsheu V.H. | Püivitsheu V.L. | Remmsen | Schamark | Spork-Eukholt | Ünnerschäunhagen | Vahlsen