Brocklosenbossel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21682 | |
| Vörwahl: | 04141 | |
| Geograafsche Laag: | Koordinaten:53° 37′ N, 9° 29′ O53° 37′ N, 9° 29′ O | |
|
| ||
Brocklosenbossel (hoochdüütsch Brocklosenborstel) is en lütten Oort un Eddelgood in de Gemeen Stood in’n Landkreis Stood, Neddersassen. Brocklosenbossel is fröher ok Medenhoff oder Medemhoff nöömt worrn.
Geografie
ännernBrocklosenbossel liggt üm un bi 500 Meter af von de Swing. Dat Rebeed höört to de Masch von de Elv. In’n Noorden von’n Hoff flütt de Hörn-Götzdörper Kanaal langs un münnt in’n Oosten in de Swing.
De Naveröörd sünd Snee in’n Noorden, Hörn in’n Noordoosten, Melau un Wöhrn in’n Oosten, dat Oollanner Veerdel von Stood in’n Süden, de Ooldstadt von Stood in’n Süüdwesten, Schölisch in’n Westen un de Dööshoff in’n Noordwesten.
Historie
ännernDe Naam Medenhoff kummt von de Familie von der Mehden, de fröher op dat Good seten hett. Dat Good kummt 1347 as Brotlozenborstel toeerst in de Oorkunnen vör.
De Besitters weren bet to Anfang von dat 18. Johrhunnert de von der Mehdens. Cäcilia Maria von der Mehden hett Balthasar von Klinckowström freet. Na de Familie von Klinckowström is dat Good in’n Besitt von de Familien Braun, von Borstel un Biber övergahn. 1844 is dat Good in’n Besitt von Friedrich von der Decken kamen. De Familie von der Decken höört dat ok nu noch to.
Vondaag warrt op dat Good Peertucht bedreven.
Goodsherrn
ännern- Johann von der Mehden
- Cäcilia Maria von der Mehden
- –1719: Balthasar von Klinckowström
- –1750: Friedrich Wilhelm Klinckowström
- –1780: Henning Anton Ulrich Braun
- 1780–1811: Georg Gustav Braun
- ~1830: von Borstel
- –1844: Biber
- 1844–1881: Friedrich von der Decken
- 1881–1916: Otto Burchard Emil von der Decken
- 1916–1965: Herwart von der Decken
- 1965–2003: Herwart von der Decken
- 2003–: Hans-Henning von der Decken
Verwaltungsgeschicht
ännernDe Oort hett to de Buurschop Snee un Hörn tohöört.
De Oort hett vör 1852 to dat Grevengericht Bützfleet tohöört un denn von 1852 bet 1859 to dat Amt Wischhoben. Von 1859 bet 1885 weer dat in dat Amt Freeborg un na 1885 in’n Kreis Keden. 1932 is dat Deel von’n Kreis Stood worrn.
Inwahnertall
ännern| Johr | Inwahners |
|---|---|
| 1793[1] | 1 Füürsteed |
| 1824[2] | 1 Füürsteed |
| 1848[3] | 1 Hoff, 3 Riddergöder |
| 1. Dezember 1871[4] | 5 Lüüd, 1 Huus |
Religion
ännernBrocklosenbossel is evangeelsch-luthersch präägt un höört to dat Kaspel von de Cosmae-Kark in Stood. Fröher hett dat to dat Kaspel von de Wilhadi-Kark in Stood höört.
För de Kathoolschen is de Hillig-Geist-Kark in Stood tostännig.
Weertschop un Infrastruktur
ännernVerkehr
ännernAn Brocklosenbossel löppt de Freebörger Straat langs, de in’n Noordoosten an de Landsstraat 111 ran geiht un in’n Süüdwesten na Stood un an de Krüzung von de Bundsstraten 73 un 74. De L 111 geiht in’n Noordwesten över Bützfleet un Drochters na Freeborg un in’n Süüdoosten na de Autobahn 26 (Afsnidd Stood–Hamborg) un bi Gothenborg an de B 73. De Opfohrt 3 Stood-Oost liggt so söss Kilometer in’n Süüdoosten von Brocklosenbossel.
De nächste Bahnhoff is so bi dree Kilometer wied weg in’n Süüdwesten de Bahnhoff Stood an de Nedderelvbahn.
Footnoten
ännern- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 152: https://books.google.de/books?id=jN5QAAAAcAAJ&pg=PA152
- ↑ C. H. Jansen: Statistisches Handbuch des Königreichs Hannover. 1824, Sied 400: http://books.google.de/books?id=tG0AAAAAcAAJ&pg=PA400
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137: https://books.google.de/books?id=qTZDAQAAMAAJ&pg=RA2-PA137
