Bundsstraat 437
De Bundsstraat 437 is en Bundsstraat in Düütschland, de von de Bundsstraat 436 in Freebörg över Bockhorn, Varel un dat Stadland bet na de Autobahn 27 bi Stotel in’n Süden von Bremerhoben geiht un 61 Kilometer lang is. Dat is de nöördlichste faste Weg ünner oder över de Werser weg.
 | |
| Basisdaten | |
|---|---|
| Längd alltohoop: | 61 km |
| Bundsland: | Neddersassen |
| Grundricht: | West-Oost |
| Koort | |
 Verloop von de Bundsstraat 437
| |
Verloop
ännernDe Straat fangt in Strudden bi Freebörg an de Bundsstraat 436 an un geiht toeerst na Süüdoosten un dör den Oort Marx. Dor münnt de Landsstraat 18 von Remels in de B 437. Wieder geiht dat dör de lüttjen Öörd Hagelskamp un Fuhrenkamp un dat Dörp Ruttel. Hier, kort vör Neeborg, dreiht de Straat na Oosten un löppt dör Neeborg. De L 815 na Zetel un Westerstäe krüüzt dor de Bundsstraat. De B 437 geiht denn dör Astede, dör dat Neebörger Holt un löppt mit en Oortsümgehung an’n Süüdrand üm Bockhorn rüm un krüüzt de L 816. Wieder geiht dat dör den lütten Oort Seghorn na Borgstede un Langendamm. Twüschen düsse beiden Öörd krüüzt de Straat de Autobahn 29 (na Willemshoben in’n Noorden un Ollnborg in’n Süden). De Opfohrt heet 8 Varel/Bockhorn. De Bundsstraat löppt denn dör Varel. Dor münnt de L 819 in de Bundsstraat. Na Varel geiht dat dör de lütten Öörd Streek un Hogenbargen. De Bundsstraat löppt nu an dat Süüdöver von’n Jaadbusen langs un mit en Brügg över de Jaad. Hier geiht dat dör de Dörper Diekmannshusen (mit Ansluss an de L 862 na Jaderbarg) un Schweiborg un an Schweiertoll un Schwei (mit Ansluss an de L 855) langs bet kort vör Roonkarken. Dor drippt de B 437 op de B 212, de ut’n Süden von de Autobahn 28 bi Demost un Gannerseer kummt. De B 437 folgt nu för üm un bi dree Kilometer de B 212 na Noorden. Denn löppt de B 212 wieder na Noorden na Nordenham wielt de B 437 na Oosten afböögt un denn dör den 1646 Meter langen Wersertunnel ünner de Werser dör geiht. De Tunnel kummt in’n Süden von Deesdörp wedder vördaag un is bi Wiemsdörp an de L 121 anslaten. De Bundsstraat geiht denn mit en Brügg över de Luun röver un ennt twüschen Speckje un Stotel an de Autobahn 27. De Straat löppt na de Autobahn as L 127 wieder dör den Oort Stotel.
Historie
ännernDe Schossee twüschen Varel un Roonkarken is 1865 anleggt worrn. Düsse Straat hett an’n 1. Januar 1962 den Rang von en Bundsstraat kregen. Bet 2004 weer de Bundsstraat in Roonkarken toenn. In dat Johr is denn de Wersertunnel för den Verkehr freegeven worrn. Sietdem driggt ok en Deelstück von de B 212, de Wersertunnel un dat Stück Straat op dat rechte Över von de Werser bet an de Autobahn 27 de Nummer 437. De Wersertunnel is de eenzige faste Weg ünner oder över de Ünnerwerser. De nächste faste Weg sünd eerst de Brüggen von de B 6 un de Iesenbahnbrügg in Bremen. De Fähr, de dat vörher twüschen Deesdörp un Lüttjensiel geven hett, hett 2004 dichtmaakt. De Fähr twüschen Braak un Saans föhrt aver noch.
Plaant worrn is de Brügg al siet 1987. Anfungen mit Boon hebbt se an’n 16. Februar 1998. De Tunnel hett twee Röhren mit twee Sporen. Köst hett dat 275 Millionen Euro.
För de Tokumst is plaant, dat de Wersertunnel Deel von de Autobahn 20 warrn schall, de as Küstenautobahn von Mekelborg-Vörpommern bet an de Autobahn 28 bi Westerstäe recken schall. Wenn dat so wied is, schall de B 427 wedder bi Roonkarken ophöörn.
