Caadwisch

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Wingst
Inwahners:
Postleettall:	21789
Vörwahl:	04778

Caadwisch (hoochdüütsch Cadewisch) is en Good in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. Dat höört polietsch von öllers to Voigtding.

Historie

Caadwisch kummt toeerst as kadewysch in en Verdrag twüschen den Bremer Arzbischop Gisbert un de Ridders Erp von Luunbarg un Augustin von de Oost von’n 19. März 1301 vör.

Na dat Good Caadwisch hett de ganze Streek von de Au bet na Ohrensflucht den Naam Caadwisch kregen. Disse Oort is denn in Oostercaadwisch un Westercaadwisch opdeelt worrn. De Trennlien weer dat Karkdörp Kumbarg. Good Caadwisch sülvs hett denn in Oostercaadwisch legen.

Dat Good hett later de Familien von Esdörp, von Hanfstengel un Bremer tohöört.

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1848-00-001848	9 Lüüd, 1 Huus
1871-12-011. Dezember 1871	9 Lüüd, 1 Huus

Religion

Caadwisch is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

De Straat Voigtding löppt in’n Süüdoosten an de Kreisstraat 24 un in’n Noorden na Kumbarg an de Bundsstraat 73.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 32 Kilometer in’n Noordoosten von Caadwisch.

De nächste Bahnhoff is so bi dree Kilometer wied weg in’n Noordwesten de Bahnhoff Kumbarg an de Nedderelvbahn.