Hauptmenü öffnen

Wikipedia β

Wapen/Flagg Koort

Wapen vun Kumbarg Flagg vun Kumbarg

Kumbarg
Laag vun Kumbarg in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Flach: 9,36 km²
Inwahners: 3.353 (2005-12-3131. Dezember 2005)
Inwahnerdicht: 358,2 Inwahners pro km²
Hööchd: 5 m över de See
Postleettall: 21781
Vörwahl: 04777
Geograafsche Laag:
Koordinaten:53° 46′ N, 9° 3′ O
53° 46′ N, 9° 3′ O
Grenzen bi OSM: 6683573 6683573
Gemeenslötel: 03 3 52 009
Börgermeester: Wolfgang Heß (SPD)
NoordseeSleswig-HolsteenBremerhobenLandkreis OosterholtLandkreis RodenborgLandkreis StoodLandkreis WersermarschGemeen ArmsdörpGemeen BelenGemeen BeverstGemeen BülkauGemeen KumbargGemeen CuxhobenGemeen KumbargGemeen HeckthusenGemeen HemmoorGemeen HollnsethGemeen HelmworthGemeen LoomstGemeen LoomstGemeen LoxGemeen MittelsnohnGemeen NeenkarkenGemeen NeehuusGemeen LeeGemeen ÖberndörpGemeen GodshemGemeen OostenGemeen OosterbrookGemeen OterndörpGemeen SchippdörpGemeen SteenauGemeen StinstGemeen StinstGemeen WannenGemeen WingstGemeen Hagen (Landkreis Cuxhoben)Gemeen Wuster NoordseeküstGemeen Geestland
Laag von Kumbarg in’n Landkreis Cuxhoben (Koort lett sik anklicken)
Luftbild von Kumbarg (2012)

Kumbarg (hoochdüütsch Cadenberge) is en Dörp un ene Gemeen an’n Rand vun de Geest in’n Landkreis Cuxhoben. De Gemeen Kumbarg is Deel vun de Samtgemeen Land Hadeln un hett üm un bi 3300 Inwahners.

Inholtsverteken

GeografieÄnnern

Kumbarg liggt op en Geestutlöper in’n Noorden von de Wingst, de in de Masch von Au un Oost rinreckt. Stück in’n Westen von Kumbarg löppt de Neehuus-Bülkauer Kanaal langs.

De Naveröörd sünd Dingwöörden, Feldhööv un In’n Fellen in’n Noorden, Geversdörp, Klint un Freenhoff in’n Noordoosten, Oostercaadwisch un Höden in’n Süüdoosten, Ooldkeden in’n Süüdwesten, Westercaadwisch in’n Westen un Bullenwinkel, Intzenbüttel, Neehuus un Uhlenkamp in’n Noordwesten.

HistorieÄnnern

De Oort is 1148 toeerst nöömt worrn. He kummt as Cadenberc in en Oorkunn ut de Breev’ von Wibald von Stablo vör, de to de Tied Abt von Corvey weer.

De Oort Kumbarg hett sien Zentrum bi de Kark an de B 73 in’n Noorden von’n Oort. In dat 20. Johrhunnert sünd veel ne’e Hüüs boot worrn. Dorbi hett Kumbarg in’n Noorden de Hööv von Bösenhörn sluukt un in’n Süden de Öörd Klotzen, Müggenbarg, Oostermoor, Möhlenreeg, Langenstraat un Olenfloot.

En beten buten den Oort in’n Westen doot as separate Öörd noch Westercaadwisch un de Bullenwinkel liggen.

VerwaltungsgeschichtÄnnern

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Kumbarg is an’n 1. Juni 1965 Maat von de Samtgemeen An’n Dobrook worrn un weer ok de Seet von disse Samtgemeen. To’n 1. November 2016 hett sik de Samtgemeen An’n Dobrook mit de Samtgemeen Land Hadeln tohoopslaten un de ne’e un gröttere Samtgemeen Land Hadeln billt.

To’n 1. November 2016 hett sik de Gemeen Kumbarg mit de Gemeen Geversdörp tohoopslaten. De ne’e Gemeen heet nu Kumbarg.[1]

InwahnertallÄnnern

Johr Inwahners
1793-00-00 1793[2] 86 Füürsteden
1824-00-00 1824[3] 172 Füürsteden
1848-00-00 1848[4] 549 Lüüd. 94 Hüüs
1871-12-011. Dezember 1871[5] 293 Lüüd. 58 Hüüs

PolitikÄnnern

GemeenraadÄnnern

Sitten in’n Gemeenraad
Johr CDU SPD Free Wählers De Grönen FDP annere
2001 9 6 - - - -
2006 8 7 - - - -
2011 5 10 - - - -

Gemeenvörstehers/BörgermeestersÄnnern

[6]

  • 1855–1860: Johann Heinrich Heß
  • 1860–1866: Christian Wilhelm von Rönn
  • 1866–1898: Georg Friedrich Fick
  • 1898–1924: Claus Heinrich von Allwörden
  • 1924–1933: Heinrich Jark
  • 1. August–26. August 1933: Claus Schlichtmann
  • 1933–1945: Karl Friedrich Robert Klein
  • 1945–1946: Theodor Karsten
  • 1946–1948: August Glintenkamp
  • 1948–1950: Theodor Karsten
  • 1950–1953: Adolf Otto Schlichtmann
  • 1953–1965: Hans Albert Wilhelm Schrodt
  • 1965–1981: Karl Brodtmann
  • 1981–1986: Heinrich Lemkau (CDU)
  • 1986–2001: Anton Herzig (SPD)
  • 2001–2011: Hans Georg Heinßen (CDU)
  • 2011–: Wolfgang Heß (ahn Partei)

Wapen un FlaggÄnnern

Dat Wapen vun de Gemeen wiest vörn en Ackerstück mit rode Grundfarv un achtern en rood Möhlrad op sülvern Grund.

De Flagg is baven gröön un ünnen swart un wiest in’e Midd dat Wapen.

KulturÄnnern

KarkÄnnern

 
De Kark

De ole St.-Nicolai-Kark mit de Orgel von Dietrich Christoph Gloger warrt toeerst vun den päpstlichen Kollektor Jacob de Rota 1319 nöömt. De Karktoorn, de hüüt noch steiht, is ut dat Johr 1723. He is en beten lütt utfallen, de Kark hebbt se in de Johren 1742 bet 1752 nee boot un se weer wat grötter as de ole Kark un müch nich so recht to’n Toorn passen. Kark un Toorn sünd vun 1962 bet 1965 renoveert worrn.

De Toorn hett dree Klocken, twee to’n Lüden un een, de de Tiet sleit. De twee Klocken to’n Lüden hebbt de Slagtöön As un G. De Lüttjere hett 1698 Christoph Haupner ut Stood gaten, de Gröttere is 1732 vun Caspar König nee gaten worrn, nadem se sprungen weer. De Gröttere müss de Kark in’n tweten Weltkrieg afgeven, de Klock is aver ahn Schaden wedder trüchkamen. De Klock för de Tiet is vun 1950.

För de Kathoolschen is de Hillig-Krüüz-Kark in Oterndörp tostännig.

BowarkenÄnnern

In Kumbarg steiht dat Slott vun Graaf Bremer mit en Park un en schöön Duvenhuus.

VerenenÄnnern

De Schützenvereen Kumbarg is 1787 grünnt worrn, de Schützenvereen Kumbarg-Langenstraat 1889 un de Freewillige Füürwehr an’n 27. März 1923.

Weertschop un InfrastrukturÄnnern

Dat Ünnernehmen Mibau-Stema hett sien Seet in Kumbarg.

VerkehrÄnnern

 
Oortsschild mit plattdüütschen Naam

Kumbarg liggt an de Bundsstraat 73, de in’n Noordwesten över Neehuus un Oterndörp na Cuxhoben löppt un in’n Süüdoosten över Hemmoor/Warstood/Basbeek na Stood. In’n Süüdwesten löppt de Kreisstraat 22 na Ooldkeden un Tollboom. Ans gifft dat noch lüttjere Straten na Voigtding in’n Oosten un Westercaadwisch in’n Westen.

Kumbarg hett mit’n Bahnhoff Kumbarg en egen Bahnhoff an de Nedderelvbahn von Cuxhoben na Hamborg.

De Oort höört ok to de Öörd, de tweesprakige Oortsschiller hebbt, op de blangen den hoochdüütschen Naam ok de plattdüütsche mit op steiht.

ÜnnernehmensÄnnern

In de Bahnhoffstraat hett de Volksbank Stood-Cuxhoben en Filiaal.

LiteraturÄnnern

  • Willi Klenck: Heimatbuch des ehemaligen Kreis Neuhaus an der Oste. 1957

FootnotenÄnnern

  1. http://www.am-dobrock.de/media/custom/1621_9626_1.PDF?1437127905
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 44: https://books.google.de/books?id=jN5QAAAAcAAJ&pg=RA1-PA44
  3. C. H. Jansen: Statistisches Handbuch des Königreichs Hannover. 1824, Sied 108: http://books.google.de/books?id=tG0AAAAAcAAJ&pg=RA1-PA108
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 136: http://books.google.de/books?id=eOI-AAAAcAAJ&pg=PA136
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146: https://books.google.de/books?id=qTZDAQAAMAAJ&pg=RA2-PA146
  6. 850 Jahre Cadenberge (1148–1998) ISBN 3-924239-42-8

WeblenkenÄnnern

  Kumbarg. Mehr Biller, Videos oder Audiodateien to’t Thema gifft dat bi Wikimedia Commons.