Hillig-Krüüz-Kark (Oterndörp)

De Hillig-Krüüz-Kark is en röömsch-kathoolsche Kark in Oterndörp. Se höört bi dat Dekanat Bremerhoben binnen dat Bisdom Hilmssen. To de Parr hett blangen de Hillig-Krüüz-Kark ok noch de Hart-Jesu-Kapell in Neehuus tohöört, de aver 2013 dichtmaakt worrn is.

De Hillig-Krüüz-Kark

De Kark is 1952 in veerunhalv Maand boot worrn, nadem na’n Tweten Weltkrieg veel Verdrevene na Oterndörp un in de Ümgegend kamen sünd, wat vördem en meist rein evangeelsche Gegend weer. Se hett een Schipp mit en lütt Geveltoorn. En groten Deel von dat Geld för de Kark keem von de Spaeth Family Foundation. Wieht hett ehr Bischop Joseph Godehard Machens an’n 7. Dezember 1952. 1976 is de Kark önnig restaureert worrn. Binnen utstatt worrn is se von Claus Kilian.

Kaspel

To dat Kaspel von de Kark höört de Gemenen Balje, Belen, Bülkau, Kumbarg, Helmworth, Neenkarken, Neehuus, Lee, Godshem, Oosterbrook, Oterndörp, Steenau, Wannen un Wingst.

Weblenken

Hillig-Krüüz-Kark (Oterndörp). Mehr Biller, Videos oder Audiodateien to’t Thema gifft dat bi Wikimedia Commons.

• Websteed von de Kark (hoochdüütsch)