Carole Lombard

Carole Lombard (* 6. Oktober 1908 as Jane Alice Peters in Fort Wayne, Indiana; † 16. Januar 1942 an' Table Rock Mountain, Nevada) weer en US-amerikaansch Schauspelerin.

Carole Lombard hör Steern up den Hollywood Walk of Fame

Leven

As Carole Lombard acht Johr olt weer, leeten sück hör Öllern scheeden. Se truck mit hör Geschwister un de Moder vun Indiana in den Westen vun de USA, wo se sück dicht bi Los Angeles daalleeten. All mit twalf Johren speel Lombard eerste Rullen bi'n Film. Af 1930 stunn se bi Paramount Pictures ünner Verdrag un verkörper verscheedenst Rullen, ahn aber den grooten Dörbröök to schaffen. Hör Talent för Kummedien wurr eerst 1934 opdeckt, as se bi Columbia Pictures in Napoleon vom Broadway, de Verfilmen vun en Broadwayhit, neben John Barrymore uptreden dee. Hör Studio hett hör dornah spoodriek in dit Genre insett. Dör Kinoerfolge as Liebe im Handumdrehen un Eine Prinzessin für Amerika wurr se to en populären Star vun de dormals anseggten Screwball-Kummedien. 1936 kreeg se hör eenzig Oscar-Nomineeren för hör Rull in den Film Mein Mann Godfrey. In dat Johr dorup hett se för David O. Selznick an de Siet vun Fredric March de Kummedie Denen ist nichts heilig dreiht un weer mit en Johresinkommen vun över 450.000 US-Dollar de an' hööchsten betahlt wievlich Filmstar.

Van 1931 bit 1933 weer se mit William Powell verheiraadt. 1938 nehm se den Bahai-Gloven an.

Af 1939 hett Lombard versöht, in ansprööksvullere Rullen to wesseln un övernehm so so, an de Siet vun Cary Grant un hör good Früendin Kay Francis, de Hööftrull in dat romantisch Melodrama Nur dem Namen nach. In dat sülvig Johr hett se den Schauspeler Clark Gable heiraadt, mit de se eenige Johren vörher all den Film No Man of Her Own dreiht harr.

Mit den Regisseur Alfred Hitchcock un sien Fru Alma verbunn de Schauspelerin en johrenlang Früendschap. Up Hitchcock sien sarkastisch Bemarken hen, Schauspeler weern eegentlich Veeh, hett se an en Dreihdag to den Speelfilm Mr. und Mrs. Smith dree leevhaftige Kooi mit Naamschiller an' Set, de de dree Hööftdorsteller verkörpern sullen.

1942, in dat Öller vun blots 33 Johren, is de Schauspelerin bi en Floogtüüchafstört storven (kiek ok: Trans-World-Airlines-Flug 3). Hör letzte Film, Sein oder Nichtsein ünner de Regie vun Ernst Lubitsch, wurr posthum in den Verleeh brocht.

Filmrullen (Utwahl)

Johr	Titel	Synchroonsnacker
1929	The Racketeer
1931	Man of World
1931	Ladies’ Man
1931	I Take This Woman
1932	Virtue dt.: Unbescholten
1932	No Man of Her Own
1933	The Eagle and the Hawk
1933	White Woman
1934	Bolero
1934	Twentieth Century dt.: Napoleon vom Broadway
1934	Now and Forever
1934	The Gay Bride
1935	Rumba
1935	Hands Across the Table dt.: Liebe im Handumdrehen
1936	Love Before Breakfast dt.: Liebe vor dem Frühstück
1936	The Princess Comes Across dt.: Eine Prinzessin für Amerika
1936	My Man Godfrey dt.: Mein Mann Godfrey
1937	Swing High, Swing Low
1937	Nothing Scared dt.: Denen ist nichts heilig	Rosemarie Kirstein (Synchro 1981)
1937	True Confession dt.: Ein Mordsschwindel
1938	Fools for Scandal dt.: Madame haben geläutet?
1939	Made for Each Other dt.: Ein ideales Paar	Rosemarie Kirstein
1939	In Name Only dt.: Nur dem Namen nach	Renate Danz
1940	Virgil in the Night
1940	They Knew What They Wantes
1941	Mr. & Mrs. Smith	Marion Degler (Synchro 1970)
1942	To Be or Not to Be dt.: Sein oder Nichtsein	Edith Schneider Synchro 1960

Weblenken

Carole Lombard. Mehr Biller, Videos oder Audiodateien to’t Thema gifft dat bi Wikimedia Commons.

• Carole Lombard in de Internet Movie Database (engelsch)
• Lombard op FemBio vun Karsten Bartels
• Foto Carole Lombard mit ihrer großen Liebe Clark Gable up lucywho.com, afropen an' 18. Dezember 2011
• Die Frau, die Hitchcock quälen durfte – WELT-Porträt vun Gerhard Midding to'n 100. Gebortsdag, 6. Oktober 2008
• Biografie bi Turner Classic Movies (engelsch)
• Porträt bi cinemaclassic.free.fr (franzöösch)