Cecil Bridgewater
Cecil Vernon Bridgewater (* 10. Oktober 1942 in Urbana (Illinois)) is en US-amerikaansch Jazz-Trompeter, Komponist un Musikpädagoog.
Leven un Wirken ännern
De Vader un Grootvader vun Cecil Bridgewater hemm ok Trompete speelt; sien eersten Profijob harr he in de Band vun sien Unkel. He hett tüschen 1960 un 1964 as ok nah den Militärdeenst 1968/69 an de University of Illinois studeert, mit deren Band he 1968 in Westeuropa un 1969 in Russland up Tournee weer. Mit sien Bröer, den Saxophonisten Ron Bridgewater, hett he de Formatschoon Bridgewater Bros. Band grünnd, de bit 1989 bestunn. 1970 speel he bi Horace Silver un gung denn mit dat Thad Jones/Mel Lewis Orchestra up Tournee. Wiederhen hett he mit Dizzy Gillespie, Art Blakey 1972, Max Roach, Randy Weston, Charles McPherson, Joe Henderson 1975, Roy Brooks, Abdullah Ibrahim un Sam Rivers arbeit. Later weer he ok mit de Concert Band vun George Gruntz ünnerwegens un wark an Inspelen vun McCoy Tyner, Frank Wess, Heiner Stadler, Jack McDuff, Richard Davis, Billy Harper, Dee Dee Bridgewater, Antonio Hart, Groove Holmes oder John Stubblefield mit.
Bridgewater hett Kompositschonsupdrääg vun Orchestern as dat Cleveland Chamber Orchestra un vun Meet The Composers kreegen, aber ok för Lena Horne, Vanessa Rubin oder Dee Dee Bridgewater (mit de he siet 1970 verheiraadt weer) Kompositschonen un Arrangements schreven. He weer lang Johren bi Jazzmobile as Musikpädagoog tätig un geev Ünnericht in Trompete, Improvisatschoon, Arrangement un Bigband-Speel. Buterdem harr he Lehrupdrääg an de New School un de Manhattan School of Music.
He weer mit Dee Dee Bridgewater verheiraadt. De Ehe is aber schett wurrn.
Utwahldiskographie ännern
- Mean What You Say – Brownstone Recordings 1998
- I Love Your Smile – Mesa Records – 1993
- Generations Suite – Denon Records – 1979
- Lightning and Thunder – Denon Records – 1978
Lexigraphisch Indrääg ännern
- Martin Kunzler: Jazz-Lexikon. Band 1: A–L (= rororo-Sachbuch. Bd. 16512). 2. Uplaag. Rowohlt, Reinbek bei Hamburg 2004, ISBN 3-499-16512-0.
- Leonard Feather, Ira Gitler: The Biographical Encyclopedia of Jazz. Oxford University Press, New York 1999, ISBN 0-19-532000-X.