Central America Health Sciences University

De Central America Health Sciences University - Belize Medical College (CAHSU) is en Universität in’n Oort Gentleville (Distrikt Belize von dat Land Belize) in de Neegd von Belize-Stadt. De Universität billt Mediziners ut (Regelstudientied von veer Johr) un is na US-amerikaansch Vörbild organiseert. De Afsluss is en Doctor of Medicine (MD).

Von de veer Johr sünd twee Johr Grundstudium op’n Campus in Gentleville un twee Johr praktische Utbillung, de in verscheden Krankenhüüs in Mexiko, de USA oder Grootbritannien daan warrn kann.

De Universität is 1996 grünnt worrn. Dat is en private Universität, de sik över Studiengebühren finanzeert. Se richt sik dorbi vör allen an Studenten ut Indien. En Wahnheem liggt in Los Lagos, wat en Naverschop von Ladyville is. De Afsluss is in Grootbritannien un de USA anerkannt.

Weblenken

• Websteed von de Universität (engelsch)