Chain Reaction (1996)
Chain Reaction (op Platt so veel as „Kedenreakschoon“; dt. Titel: Außer Kontrolle) is de Titel vun en US-amerikaanschen Action-Thriller ut dat Johr 1996 mit Keanu Reeves un Morgan Freeman in de Hööftrullen.
| Filmdaten | |
|---|---|
| Plattdüütsch Titel: | — |
| Originaltitel: | Chain Reaction |
| Düütsch Titel: | Außer Kontrolle |
| Produkschoonsland: | USA |
| Johr vun’t Rutkamen: | 1996 |
| Läng: | 106 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Andrew Davis |
| Dreihbook: | J. F. Lawton Michael Bortman |
| Produkschoon: | Erwin Stoff Richard D. Zanuck |
| Musik: | Jerry Goldsmith |
| Kamera: | Frank Tidy |
| Snitt: | Don Brochu Dov Koenig Arthur Schmidt |
| Dorstellers | |
| |
Inholt
ännernIn Chicago arbeit en Grupp vun Wetenschopplers an en Experiment, üm mit Help vun Sonolumineszenz en Verfohren vun Kole Fusion to entwickeln. Dat schall dorto deenen, op ümweltfründliche Oort Energie to winnen. To de Grupp höört ok de Techniker Eddie Kasalivich, de bi’t Arbeiten an en Warkstück een Avend de richtige Frequenz för dat Verfohren finnt. Dormit funkschoneert dat Experiment und de Wetenschopplers fiert jemehrn Spood. Eddie hett na de Fier en Kollegin na Huus bröcht un geiht noch mol torüch, üm sien Motorrad to hollen. In de Anlaag is de Alarm utlöst woorn, un den Projektleider finnt he dood in’t Labor mit en Plastiktuut över’n Kopp. He kann jüst noch op sien Motorrad utneihn, as de hele Anlaag in de Luft flüggt un all Redschoppen, Plaans un Opteken tonichten maakt warrt. As dat FBI in de Wahnung vun Eddie ok noch en Hoochleistungs-Sennenanlaag un en Ümslag mit veel Geld finnen deit, hebbt se em un sien Kollegin Lily Sinclair in Verdacht, dat se achter den vörtüüschten Unfall steken doot un maakt sik op de Jagd na de beiden. Butendem warrt noch en wieteren Kollegen, Lu Chen, söcht, de siet den Avend verswunnen is.
Eddie un Lily sünd nu op de Flucht vör de Polizei un dat FBI, mööt aver gau faststellen, dat noch en annere Partei achter jem ran is: As en Polizist jem fastnehmen will, warrt disse vun annere, verkehrte Polizisten ut’n Heevschruver doodschaten. De eenzige Kuntaktperson, de Eddie noch över’n Weg troet, is Paul Shannon, de as’n Oort Opsichtsperson mit dat Experiment to doon harr un Kuntakten in hoge staatliche Inrichten hett.
Na un na stellt sik rut, dat mit de Plaans vun dat Experiment en tweete Anlaag ennerworrns ünner de Eer boet worrn is. De Anlaag is sowiet praat to’n Bedrief, man wat noch fehlt is de richtige Frequenz, de Eddie för de Versööksanlaag rutfunnen harr. Ut den Grund is Lu Chen roovt un in de Anlaag bröcht worrn, vun wegen dat he de Anlaag to’n Lopen bringen schall. Man de kennt de Frequenz ok nich. Achter disse Anlaag stickt mehr as blots de Afsicht, ümweltfründliche Energie to winnen; wohrhaftig geiht dat dorbi üm en Verswören in de Regeeren, de vun Shannon anföhrt warrt un mit en annern hogen Amtsdräger, Collier, utheckt worrn is.
Eddie un Lily künnt en Tiet lang jümmer wedder all Verfolgers utneihn, man opletzt kriegt Shannon un Colliers jem doch noch in de Fuchtel. Eddie kann jüst noch weglopen, man Lily warrt fangen sett un in dat ünnerirdische Labor bröcht, woneem se mit Chen tohopen de Anlaag to’n Lopen bringen schall. Eddie kriggt aver rut, woneem se henbröcht warrt, un höört in dat Labor mit, dat de beiden Fangenen an de Siet bröcht warrn schüllt, wenn se nich mehr vun Help sünd. In de Nacht geiht Eddie in dat Labor, manipuleert de Anlaag un kopeert de Opteken. As he mit Shannon un Collier tosamendrapen deit se em seggt, dat verhanneln em nich mehr helpt, schickt he de Ünnerlagen an dat FBI un sett de Anlaag in Gang. En wietere Explosion draut, de Eddie un Lily nich mehr hinnern künnt. In letzte Sekunn künnt de beiden aver noch freekamen un weglopen, jüst so ok Shannon, de in den Ogenblick, as dat Ünnernehmen toschannen geiht al ne’e Plaans maken deit.
Kritiken
ännern- Lexikon vun’n internatschonalen Film: Aufwendig inszenierter, aber dennoch mittelmäßiger Actionfilm, dessen Charaktere stets im Schatten der Verschwörungen stehen, in die sie zunehmend verwickelt werden. Außerdem erinnern Story und Machart allzu sehr an den Kinoerfolg The Fugitive.
Utteken
ännernDe Film Chain Reaction hett nich recht övertügen künnt un künn dorüm ok keen Filmpriesen winnen. Alleen för en wenig ansehn Pries geev dat en Nomineeren, neemlich för den Razzie Award. Vörslahn weer dorför Keanu Reeves in de Kategorie Slechtst Schauspeler, man kregen hett he em nich.
Weblenken
ännern- Chain Reaction (1996) in de Internet Movie Database (engelsch)