Keanu Charles Reeves (* 2. September 1964 in Beirut, Libanon) is en kanaadsch Schauspeler un Musiker (Bassist).

Keanu Reeves 2006

De Naam Keanu kummt ut de hawaiischen Spraak (Keanu „de Kole“). De Schauspeler is na sien Unkel Henry Keanu Reeves nöömt. Sien Naam is de korte Form vun sien hawaiischen Oor-Oor-Unkel Keaweaheulu.

Familie ännern

De Öllern vun Keanu Reeves, de Kostümdesignerin Patricia, boren Taylor, un de Geoloog Samuel Nowlin Reeves Jr. hebbt sik in Beirut in en Nachtclub kennenlehrt, woneem Patricia as Showgirl arbeiten de. Se weer to de Tiet 19, he 21. Keanus Vadder is vun hawaiisch-chines’sche Afstammen. Keanu reeves hett en Süster, Kim (* 1966 in Beirut, Libanon) un twee Halfsüstern: Karina Miller (* 1976 in Toronto, Kanada) un Emma Rose Reeves (* 1980 auf Hawai’i).

Sien Vadder weer lange Tiet drogenafhangig un hett ü.a. Marihuana, Herion, Ecstasy, LSD un Kokain nahmen. Wegen Drogenhannel is he 1992 ok to teihn Johr Gefängnis veroordeelt wesen, man al na twee Johr ünner strenge Oplagen wedder rut kamen. Sien Fro hett sik 1966 vun em scheden laten un de Familie hett den Kontakt afbroken. En Versöhnen hett dat twüschen Keanu Reeves un sien Vadder opstunns nicht geven. He hett noch twee mol wedder heiraat un leeft hüüt op Big Island, Hawai’i. De Moder vun Keanu Reeves is na de Scheden na New York togen un hett dor den Speelbaas Paul Aaron heiraat. Se tögen wieter na Toronto, Kanada, wo ok disse Eh na söss Maanden wedder scheedt weer. Se weer noch twee wietere mol verheiraat. Vundaag leeft se in Los Angeles.

Privatleven ännern

Keanu Reeves is in Toronto, Kanada, opwussen, woneem he de Jesse Ketchum Public School, North Toronto Secondary un dat De La Salle College 'Oaklands' besocht hett. Man he müss veermol de High School wesseln vunwegen sien mangelhafte Disziplin. En vun sien Schoolmeesters segg dorto later mol: „He keem faken ahn Böker na School oder harr sien Schoolarbeiten nich maakt. Wenn he fraagt weer, grien he blots un güng na Huus, üm sien Böker to hollen.“ In de High School for the Performing Arts nehm he denn Schauspeelünnericht un wull Schauspeler warrn. Mit 17 Johren hett he aver de School endgellig afbroken un hett sik toeerst mit verscheeden Arbeiten as Striedschohslieper, Kaak oder Goorner, bit he de eersten Feernseh- un Theaterrullen kregen hett.

Reeves weer eng befrünnt mit sien Kolleeg River Phoenix, mit den he tohopen in I Love You to Death un My Own Private Idaho speelt harr. Phoenix is an’n 31. Oktober 1993 na een Överdosis Heroin un Kokain vör den Nachtclub Viper Room in Los Angeles tohopenbroken un noch vör Oort doodbleven. Dat Schicksal meen dat wieterhen nich goot mit Reeves: 1994 is sien Süster Kim an Leukämie krank worrn. De gemeensome Dochter mit Jennifer Syme, Ava Archer Reeves-Syme weer kort na den Spood The Matrix 1999 an Wiehnachten een Maand to fröh dood boren. Twee Maanden later sünd Reeves un Syme uteneen gahn hebbt aver wieter Kontakt hollen. Keanu Reeves müss in’n April 2001 (över dat Internett) künnig warrn, dat Jennifer Syme op’n Weg torüch vun en Party vun Marilyn Manson mit ehren Jeep verunglückt un storven weer. Man vermodt, datt se ünner dat Inwarken vun verscheeden Antidepressiva un Drogen stünn.

Reeves is bit vundaag nich verheiraat, is aver jümmer wedder mol mit ünnerscheedlich Fronslüüd to sehn. Man seggt vun em, dat he mit all sien Ex-Fründinnen ok na de Splitten jümmers noch goten Kontakt hollen deit.

Keanu Reeves vundaag ännern

Reeves leeft siet 2003 in de Hollywood Hills in Los Angeles, USA, het aver ok en Apartment in New York. An sik höört Reeves keen Religion an, aver he weer christlich optogen un intresseert sik teemlich för den Buddhismus.

Neven de Schauspeleree is Musik en Hobby vun Reeves. To sien fröhen Favoriten tellt John Coltrane, The Ramones, The Exploited, Joy Division, The Clash un veele annere. Mit 23 Johren hett he lehrt, Bassgitarr to spelen un is Liddmaat worrn bi de 1991 grünnten Grupp Dogstar. Mit de Band hett he as Vörgrupp för Bands as Bon Jovi speelt un is lever op Tour dör Europa gahn as in Speed 2 – Cruise Control mittospelen. 2003 is de Band bit op wieteres op Ies leggt worrn. Tohopen mit den Dogstar Slagtüger Rob Mailhouse is Reeves in dat Bandprojekt Becky mitinstegen. De Band hett he 2005 verlaten, wiel sien Schauspeleree em nich noog Tiet laten deit, faken op Tour oder op Konzerten to gahn.

En anneret Hobby sünd Motorrööd. He besitt en 1974er Norton “Combat” Commando 850 cm³, en 1972er Norton Commando 750 cm³, en Moto Guzzi un en Harley-Davidson. He hett dormit ok al faken Unfäll hatt. Bi en „Demon Ride“ ahn Licht is he mit en Felswand vun’n Topanga Canyon tohopenstött un hett sik dorbi en Miltreet totogen un müss opereert warrn.

Reeves mag Sportoorten as Ieshockey, Surfen, Rieden un Joggen. Noch vundaag speelt he Ieshockey för’n goten Zweck. Schach un Literatur höört neven en goten Wien to sien Passionen.

Karriere ännern

In Toronto hett Reeves an’t Stadttheater speelt, sünners Rullen in Stücken vun William Shakespeare, un hett somit eerste Insichten wunnen. Eerste Feernseh- un Kinorullen harr he af 1979 in Low-Budget-Produkschonen. Sien eersten Film weer Dream to Believe, wobi he ok de Union Card vun de Screen Actors Guild kregen hett, de bi Anfängers so geern nahmen warrt, wieldat man ahn de Kort in’t Showgewarf kuum gote rullen kriegen kann. 1986 güng he ut Kanada weg.

Mit de Rull vun den dusseligen Teenager Ted in Bill & Ted's Excellent Adventure schap he sien Dörbrook in Hollywood. Man weltbekannt worrn is he erst 1994 mit den Film Speed, mit den ok sien Kollegin Sandra Bullock bekannt worrn is. Siether kriggt he Gagen in Millionenhööch, warrt aver vun veele Kritikers jümmer noch scheef ankeken, de sien Schauspeel as hölten un utdruckslos betekent. Aver dorop nich wieter achtend hett he in Hollywood en Rullenanbott na dat neegste, so dat he sik sogor verlöven kunn, de Rull in Speed 2 aftolohnen üm mit sien Band op our to gahn. De Rull as Reknerhacker Neo in de Matrix-Trilogie hett em 1999 in de hööchsten Regen vun de best betahltsten Hollywood-Schauspelers brocht. De slechten Kritiken warrt sietdem ok jümmers weniger. Mit twee bit dree Filmen jedet Johr tellt Reeves to de flietigsten Schauspelers in Hollywood.

Filmografie (Utwahl) ännern

Johr Titel Synchroonsnacker
1984 Letting Go, Feernsehn
dt.: Frei für eine neue Liebe
 
1986 Youngblood
dt.: Bodycheck
Frank Schaff
1986 Brotherhood Of Justice, Feernsehn
dt.: Young Streefighters
 
1987 River’s Edge
dt.: Das Messer am Ufer
Thomas Petruo
1988 Dangerous Liaisons
dt.: Gefährliche Liebschaften
Torsten Sense
1988 The Night Before
dt.: Eine verrückte Reise durch die Nacht
Gedeon Burkhard
1988 Permanent Record
dt.: The Last Song
 
1988 Bill & Ted’s Excellent Adventure
dt.: Bill & Ted's verrückte Reise durch die Zeit
Andreas Fröhlich
1989 Parenthood
dt.: Eine Wahnsinnsfamilie
Frank Schaff
1990 I Love You to Death
dt.: Ich liebe Dich zu Tode
Joachim Tennstedt
1991 My Own Private Idaho
dt.: My Private Idaho
Pascal Breuer
1991 Bill & Ted’s Bogus Journey
dt.: Bill & Ted's verrückte Reise in die Zukunft
Gedeon Burkhard
1991 Point Break
dt.: Gefährliche Brandung
Nicolas Böll
1992 Bram Stoker’s Dracula Udo Schenk
1993 Little Buddha Benjamin Völz
1993 Much Ado About Nothing
dt.: Viel Lärm um nichts
Joachim Tennstedt
1993 Even Cowgirls Get the Blues
dt.: Cowgirl Blues
Benjamin Völz
1994 Speed Benjamin Völz
1995 A Walk in the Clouds
dt.: Dem Himmel so nah
Benjamin Völz
1995 Johnny Mnemonic
dt.: Vernetzt - Johnny Mnemonic
Benjamin Völz
1996 Feeling Minnesota
dt.: Minnesota
Benjamin Völz
1996 Chain Reaction
dt.: Außer Kontrolle
Benjamin Völz
1997 The Devil’s Advocates
dt.: Im Auftrag des Teufels
Benjamin Völz
1999 The Matrix
dt.: Matrix
Benjamin Völz
2000 The Gift
dt.: The Gift – Die dunkle Gabe
Olaf Pfennig
2000 The Watcher Benjamin Völz
2000 The Replacements
dt.: Helden aus der zweiten Reihe
Benjamin Völz
2001 Hardball Benjamin Völz
2001 Sweet November Benjamin Völz
2003 Something’s Gotta Give
dt.: Was das Herz begehrt
Benjamin Völz
2003 The Matrix: Reloaded
dt.: Matrix Reloaded
Benjamin Völz
2003 The Matrix: Revolutions
dt.: Matrix Revolutions
Benjamin Völz
2005 Thumbsucker
dt.: Thumbsucker – Bleib wie Du bist!
Benjamin Völz
2005 Constantine Benjamin Völz
2005 Ellie Parker
dt.: Elli Parker – Schauspielerin
Benjamin Völz
2006 A Scanner Darkly – The Movie
dt.: A Scanner Darkly – Der dunkle Schirm
Benjamin Völz
2006 The Lake House
dt.: Das Haus am See
Benjamin Völz
2008 Street Kings Benjamin Völz
2008 The Day the Earth Stood Still
dt.: Der Tag an dem die Erde stillstand
Benjamin Völz
2010 Henry’s Crime
dt.: Henry und Julie
Benjamin Völz
2012 Generation Um…
dt.: Threesome – Eine Nacht in New York
Benjamin Völz
2013 Man of Tai Chi Benjamin Völz
2013 47 Ronin Benjamin Völz
2014 John Wick Benjamin Völz
2015 Knock Knock Benjamin Völz
2016 Exposed
dt.: Exposed: Blutige Offenbarung
Benjamin Völz
2016 The Hole Truth
dt.: Lügenspiel
Benjamin Völz
201 John Wick: Chapter 2
dt.: John Wick: Kapitel 2
Benjamin Völz
2016-18 Swedish Dicks, Feernsehreeg Benjamin Völz

Diskografie ännern

  • 1996, 16. Juli – Dogstar: Quattro Formaggi EPDebüt-Album (Volcano)
  • 1997, 15. Oktober – Dogstar: Our Little Visionary (Volcano)
  • 2000, 11. Juli – Dogstar: Happy Ending (Ultimatum)
  • 2003, 3. Juni – Compilation: Keanu Reeves Collection (Pioneer)

Utteken ännern

Vun Anfang an weer Reeves in Hollywood as Eye Candy (Fein antokieken) betekent un kreeg dorför ok faken Utteken. Reeves hett bit vundaag teihn Priesen wunnen un weer för wietere 19 Utteken nomineert, dorünner aver ok mehrfach för den Razzie Award.

Wunnen hett he:

  • 1992: den MTV Movie Award in de Kategorie Begehrteste Mann för Point Break.
  • 1995: den MTV Movie Award in de Kategorie Best Filmpoor (tohopen mit Sandra Bullock) för Speed.
  • 2000: den Blockbuster Entertainment Award in de Kategorie Geern sehn Dorsteller – Action/Science Fiction för The Matrix.
  • 2000: den Golden Slate vun de Csapnivalo Awards in de Kategorie Best Hööftdorsteller för The Matrix.
  • 2000: den MTV Movie Award in de Kategorie Best Kamp (tohopen mit Laurence Fishburne) för The Matrix.
  • 2000: den MTV Movie Award in de Kategorie Best Dorsteller för The Matrix.
  • 2004: den Taurus Honorary Award vun de World Stunt Awards.
  • 2005: sien Steern op’n Walk of Fame.
  • 2006: den Teen Choice Award in de Kategorie Best Filmkuss (tohopen mit Sandra Bullock) för The Lake House.
  • 2008: den Bambi in de Kategorie Schauspeel – internatschonal.

Anners wat ännern

  • Reeves’ Ökelnaam is „The Wall“ (de Wand), wiel he bi’t Ieshockey jümmer in’t Toor steiht, alles hoolt un kuum en Woort seggt.
  • Keanu is Linkshänder, speelt den Bass aver mit rechts.
  • Keanu is siet de Dreiharbeiten to Speed goot mit Sandra Bullock befrünnt.
  • Reeves düütsche Synchronstimm gifft Benjamin Völz.

Literatur ännern

  • David Bassom: "Das große Keanu Reeves Album" (Rutkamen: 1996; Vgs) ISBN 3-8025-2406-3
  • Sheila Johnston: "Keanu" (engl.; Rutkamen: September 1996; Pub Overstock) ISBN 0-283-06301-7
  • Sheila Johnston: "Keanu Reeves" (engl.; Rutkamen: Juni 1997; Pan) ISBN 0-330-34382-3
  • Berndt Schulz: "Keanu Reeves" (Rutkamen: 1999; Econ) ISBN 3-612-26697-7
  • Brian J. Robb: "Keanu Reeves: An Excellent Adventure" (engl.; Rutkamen: August 2002; Plexus) ISBN 0-85965-313-7
  • J. J. Goodrich: "The Keanu Matrix" (engl.; Rutkamen: September 2003; AMI) ISBN 1-932270-18-3
  • Kohler, Michael: Keanu Reeves . Bertz + Fischer Verlag, Berlin 2005, ISBN 3-929470-44-6
  • Marina Marsilio: "Frank & Anastasia Eine Postkarte an Keanu Reeves" (Rutkamen: November 2004; Blackbetty) ISBN 3-902467-00-2

Weblenken ännern

  Keanu Reeves. Mehr Biller, Videos oder Audiodateien to’t Thema gifft dat bi Wikimedia Commons.