Charles Hudson
Charles Hudson (* 1828; † 14. Juli 1865 dör Afstört an den Hörnligrat, Matterhorn) weer en anglikaansch Geistlicher un Alpinist ut Skillington in Lincolnshire (Mittelengland).
Hudson weer en vun de bedüüdenst Alpinisten in dat Golden Tietöller vun den Alpinismus, un gellt as Paddmaker vun dat Winterbargstiegen un dat führerloos Bargstiegen in de Westalpen. To sien Eerstbestiegen tellen de Dufourtipp (4634 m) un de Mont Blanc du Tacul (4248 m).
He hörr ok to de Grupp vun de Eerstbestieger vun den Matterhorn, de den Tipp an’ 14. Juli 1865 recken deen. He harr de Bestiegen tonächst mit sien Früenden Kennedy, Birkbeck un M'Cormick plaant. De aber weern ut verscheeden Grünnen an den Dag vun den Upbröök nich in Zermatt. Dordör kreeg sien Schöler Robert Hadow de Gelegenheit, an de söben Mann stark Expeditschoon deeltonehmen. Bi den Afstieg keemen Charles Hudson un Robert Hadow, as ok de Bargführer Michel Croz un Lord Francis Douglas to Dood. Blots wiel en Tau reeten is, bleven Edward Whymper, Peter Taugwalder un de sien Söhn mit den glieker Naam an’t Leven. Hudson he sien letzt Ruhestäe ünner den Altar vun de Engelsch Kark in Zermatt funnen.[1]