Peter Taugwalder
Peter Taugwalder (* 5. Mai 1820 in Zermatt; † 11. Juli 1888 an’ Schwarzsee, Zermatt) weer en Swiezer Bargstieger un Bargführer.
Peter Taugwalder harr twee Söhns, Peter un Joseph Taugwalder.
Sien Platz in de Historie vun de Bargstieger funn he mit de Eerstbestiegen vun den Matterhorn dör Edward Whymper, de he ünnerstütten dee. An’ 14. Juli 1865 keemen Whymper un sien Landslüüd Lord Francis Douglas, Reverend Charles Hudson un Robert Hadow över den Hörnligrat vun Zermatt ut to den Tipp vun de Barg. Ünnerstütt wurrn se dorbi vun de Bargführers Michel Croz, Peter Taugwalder un de sien glieknaamig Söhn.
Bi’d Rünnergahn sünd denn aber veer van de Lüüd an de Noordwand to Dood kommen. Hadow is utrutscht un up Croz fallen un denn hebbt de beid Douglas un Hudson ok noch mitreeten. De annern wulln de mit Tau noch fasthollen, aber dorbi is dat Tau reeten. Edward Whymper, Vader un Söhn Taugwalder sünd heel weer nah Zermatt torüch kommen. De so nömmt Golden Johren van' Alpinismus weern dormit denn ok vörbi. Dit Drama an de Barg is denn ok Mal verfilmt wurrn.