Robert Hadow
Douglas Robert Hadow (* 30. Mai 1846 in London[1][2]; † 14. Juli 1865) weer en britisch Bargstieger.
Family ännern
Hadow wurr 1846 in 49 York Terrace, Regent's Park, London, as Söhn vun Patrick Douglas Hadow (Baas vun de P. & O. Steam Navigation Company) un de sien Fru Emma Harriett Nisbet (Dochter vun Robert Parry Nisbet, ut Southbroom House, Wiltshire), de 1845 heiraadt harrn, boren. Een vun sien jünger Bröers weer Frank Hadow, de 1878 de Wimbledon Championship wunnen hett.
Hadow wurr an de Harrow School ünnerricht, ebenso as söss vun sien Bröers, wat hör de Ökelnaam 'Harrow Hadows' inbroch.
1865 fung he mit dat Bargstiegen an un wurr en Schöler vun Charles Hudson. Mit de besteeg he den Mont Blanc und anner Bargen in de Alpen.
Hadow hörr ok to de Grupp vun de Eerstbestieger vun den Matterhorn, de den Tipp an’ 14. Juli 1865 recken deen. Sien Lehrer Charles Hudson harr de Bestiegen tonächst mit sien Früenden Kennedy, Birkbeck un M'Cormick plaant. De aber weern ut verscheeden Grünnen an den Dag vun den Upbröök nich in Zermatt. Dordör kreeg sien Schöler Robert Hadow de Gelegenheit, an de söben Mann stark Expeditschoon deeltonehmen. Bi den Afstieg keemen Charles Hudson un Robert Hadow, as ok de Bargführer Michel Croz un Lord Francis Douglas to Dood. Blots wiel en Tau reeten is, bleven Edward Whymper, Peter Taugwalder un de sien Söhn mit den glieker Naam an’t Leven. Hadow hett sien letzt Ruhestäe in de Kark in Zermatt funnen.
Enkeld Nahwiesen ännern
- ↑ Burke, John, The Patrician Volume 1 (London, E. Churton, 1846) Births, Marriages, and Deaths (Siet 288) online bi books.google.co.uk (van' 10. April 2008)
- ↑ Index of Irish Deaths online bi irelandoldnews.com (van' 10. April 2008)