Christian Wolff (Gelehrten)

Christian Freeherr vun Wolff (in de Encyclopédie „Chrétien Wolf“) (* 24. Januar 1679 in Breslau; † 9. April 1754 in Halle) weer en bedüdenden düütschen Universalgelehrten, Jurist un Mathematiker in dat Tiedöller vun de Upklärung.

Christian Freeherr vun Wolff
Gedenktafel in Breslau

Twuschen Gottfried Wilhelm Leibniz un Immanuel Kant weer he een vun de wichtigsten Philosophen. He hett sik för dat Naturrecht stark maakt un ok för de „Begriffsjurisprudenz“ in dat 19. Johrhunnert hett he den Grund leggt. Veel Wöör, de he utfunnen hett, sünd later in de hoochdüütsche Alldagssprake upnahmen wurrn. Dor höört Wöör to, de hüdigendags so begäng sünd, as „Bewusstsein“ (Bewusstsien), „Bedeutung“ (Bedüden), „Aufmerksamkeit“ oder „an sich“ (an sik). Up de Gesetten vun den Staat Preußen hett he duchtig inwarkt.

WeblinksBearbeiten

  Christian Wolff (Philosoph). Mehr Biller, Videos oder Audiodateien to’t Thema gifft dat bi Wikimedia Commons.