Christian Johann Nicolaus Witte oder kort Claus Witte (* 2. Januar 1796 in Stood; † 21. Dezember 1861 in Bremervöör[1]) weer en düütschen Waterbobeamten un Moorkommissar in dat Düvelsmoor.

Witte is 1796 as Söhn Sophie Dorothea Friederike, borene Caulier, un den Grammatikus an dat Stoder Gymnasium Johann Nicolaus Witte in Stood boren un an’n 3. Januar 1796 in de Cosmae-Kark döfft worrn.[1] Mit 18 is he as Freewilligen in dat Landwehrbatalljon Veern intreden un hett as jungen Offzeer ok in de Slacht von Waterloo fuchten.[1] He hett studeert un weer na sien Studium Waterboinspekter in Achem.[1] 1826 is he Moorkommissar för dat Düvelsmoor worrn un dat bet to sien Dood bleven.[1] Ünner Witte as Moorkommissar is ünner annern 1828 Augustendorp nee grünnt un in de Johren 1830 de Oost-Hamm-Kanaal wedder instand sett worrn.[1] 1825 hett Witte dat Klappstau utklamüsert, mit dat de Törfkahns op de Schippgravens lichter vörwards kamen kunnen as mit de Schütten, de se vörher bruukt hebbt.[1]

1856 hett Witte dat Ridderkrüüz von’n königlich hannöverschen Guelphenorden kregen un 1860 den Titel Landsökonomieraad.[1] Witte is 1861 doodbleven un an’n 27. Dezember 1861 op’n Karkhoff an’t Oosterenn von Bremervöör begraven worrn.[1] Sien Graff is dor ok vondaag noch to sehn. He weer de letzte Moorkommissar. Na em is dat Amt nich wedder nee besett worrn.

Footnoten ännern

  1. a b c d e f g h i http://augustendorf.kkbz.de/index2.php?option=com_content&do_pdf=1&id=24