Claus von der Decken (1782–1839)
Claus von der Decken (* 6. September 1782 in Swing; † 28. Juni 1839 in Kissingen) weer en hannöverschen Verwaltungsbeamten.
Von der Decken is 1782 as Söhn von Hedwig Elise, borene von der Decken (25. Juni 1759–6. Mai 1848; Dochter von Claus Benedict von der Decken), un Carl Heinrich von der Decken (16. April 1752–7. November 1794) in Swing boren. He weer Herr op Ridderhoff, Wechtern III, Rosenkranz un Baljerhoff. In’n April 1815 hett he as Major twee Kumpanien Harzer Schützen in’n Krieg gegen Napoleon anföhrt. De Kumpanien hebbt in Belgien fuchten, sünd aver, nadem Napoleon slahn worrn is, 1816 nich in de reguläre hannöversche Armee övernahmen worrn.
Von der Decken is 1828 Amtmann von dat Amt Neehuus worrn. Na’n Dood von Carl Wyneken 1834 is he 1835 as Amtmann in dat Amt Horborg wesselt. 1838 is he Amtmann von dat Amt Mesborg worrn, wat he aver blots bet to sien Dood 1839 bleven is. Na sien Dood hett Amtsassesser Heinrich Holtzermann dat Amt övernahmen.
Von der Decken hett nich freet.
