Craigellachie (Brenneree)

Craigellachie is en Whisky-Brenneree in Craigellachie, Moray, Schottland.

Craigellachie
De Brenneree Craigellachie (Foto: Ann Harrison)
Land	Schottland
Region	Speyside
Tyyp	Malt
Status	aktiv
Besitter	Bacardi
Grünnt	1891
Grünner	Alexander Edward, Peter Mackie un annere
Architekt	Charles Chree Doig
Waterborn	Blue Hill
Washstill(s)	2 × 28.185 l
Spiritstill(s)	2 × 28.185 l
Produkschoonsvolumen	2.700.000 l

Historie

De Brenneree weer 1891 vun de Craigellachie-Glenlivet Distillery Company boet. Besitters weern ünner annern Alexander Edward und Peter Mackie. De Architekt weer Charles Doig. De eerste Whisky weer aver eerst 1898 produzeert. 1916 is de Destille vun Mackie & Company Distillers Ltd. övernahmen worrn, de ok White Horse in Besitt harr. White Horse Distillers güng 1927 in den Besitt vun de Distillers Company Limited (DCL) över, de de Brenneree 1930 an de Scottish Malt Distillers (SMD) weitergeven hebbt.

1964 weer de Brenneree renoveert un vun twee op veer Brennblasen vergröttert. 1987 is se denn in den Besitt vun United Distillers & Vintners (UDV) gahn, de se 1998 tosamen mit Aberfeldy, Royal Brackla un Aultmore as ok de Blending Company John Dewar & Sons an Bacardi wieter verköfft hebbt.

Produkschoon

De Destille Craigellachie höört to dat schottische Whisky-Rebeet Speyside. Ehr Water kriggt se vun den Blue Hill (fröher: Little Conval Hill). Jemehr Molt beteht se vun de United Distillers-Maltings in Roseisle un Burghead. In de Brenneree gifft dat en Meeschfatt (mash tun) vun 9 t ut Eddelstahl un acht Gäärfatten (wash backs) to 45.000 l. Brennt warrt de Whisky in twee wash stills to 28.185 l un twee spirit stills to 28.185 l, de dör Damp hitt maakt warrt.

Kiek ok

• List vun de schottischen Brennereen

Literatur

• Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Weblenken

Craigellachie. Mehr Biller, Videos oder Audiodateien to’t Thema gifft dat bi Wikimedia Commons.