Cuxland

Cuxland is en Utdruck för dat Rebeed von’n Landkreis Cuxhoben un dor besünners för de Kuntrei langs de Noordseeküst in’n Noorden an de Münnen von Elv un Werser.

De Kugelbaak, en Wohrteken för Cuxhoben un dat Cuxland

Cuxland is keen olen histoorschen Begreep för de Region. De Naam is in dat 20. Johrhunnert för den Tourismus utklamüsert worrn, as Dackbegreep för de Baad- un Feernöörd in Cuxhoben (mit Sahlenborg, Döös un Duhnen), Oterndörp un Land Wusten (mit Dorum, Wremen, Millm etc.).

Vör allen Cuxhoben hett en Barg Hotels, Feernwahnungen un Gastronomie för de Touristen, de vör allen ut Neddersassen, Hamborg, Bremen un Noordrhien-Westfalen herkaamt. Cuxhoben hett so üm un bi dree Millionen Övernachtungen in’t Johr. Aver ok dat Achterland in Beers to’n Bispeel büddt Tourismusmööglichkeiten för Fohrradtouristen oder Rieders.

De Tourismusbegreep Cuxland warrt aver ok jümmer mehr von de Lüüd in de Region as Regionsbegreep övernahmen. To’n Bispeel hett na de Fusion von de Volksbank Bremerhoben-Wersermünn un de Volksbank in’n Landkreis Cuxhoben 2007 de ne’e Bank sik Volksbank Bremerhoben-Cuxland nöömt.

Weblenken

• Websteed to dat Cuxland (hoochdüütsch)