Duhnen
Duhnen is en Oort in de Gemeen Cuxhoben in’n Landkreis Cuxhoben, Neddersassen.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 5,78 km² | |
| Inwahners: | 1.037 (31. Dezember 2006) | |
| Inwahnerdicht: | 179,4 Inwahners pro km² | |
| Postleettall: | 27476 | |
| Vörwahl: | 04721 | |
| Geograafsche Laag: | Koordinaten:53° 53′ N, 8° 39′ O53° 53′ N, 8° 39′ O | |
 | ||
|
| ||
Geografie
ännern
Duhnen liggt an de Noordsee ganz an de Noordspitz von dat Elv-Werser-Dreeeck un an’n Trechter von de Elvmünn. De Eilannen Neewark un Scharhörn liggt na’n Noordwesten to. De Geest stött hier hart an de Noordsee.
De Naveröörd sünd Döös in’n Oosten, Stickenbüttel in’n Süüdoosten un Sahlenborg in’n Süüdwesten.
Historie
ännernDat eerst Maal in de Oorkunnen kummt Duhnen as Dune 1310 in en Hannelsverdrag twischen Hamborg und Hadeln vör.
1394 warrt de Oort tohoop mit Döös, Stickenbüttel, Sahlenborg, Steenmarn un Ritzbüttel an Hamborg verköfft.
Duhnen is an’n 1. März 1935 mit de Gemeen Cuxhoben tohoopleggt worrn. Cuxhoben un Duhnen hebbt noch bet to’n Groot-Hamborg-Gesett (1. April 1937) to Hamborg tohöört. Denn sünd se Deel von’n Kreis Land Hadeln worrn.
In’n Eersten Weltkrieg sünd 13 Soldaten ut Duhnen fullen oder vermisst un in’n Tweten Weltkrieg 40.[1]
Duhnen billt vondaag tohoop mit Döös un Cuxhoben en Strandbad an de Noordsee un is mit disse Öörd deelwies tohoopwussen. De eersten Kurgäst hett dat so von 1875 af an geven, aver dat güng denn vör allen ünner Robert Dohrmann von 1902 af an vöran, de ünner annern mit dat Duhner Waddrennen anfungen hett.
De Oort is nu vör allen dör den Tourismus präägt un hett en Barg Hotels, Pensionen un Gastronomie. De Waddensee is as Deel von de Natschonalparks Neddersassisch Wattensee un Hamborgsch Wattensee besünners schuult.
Inwahnertall
ännern| Johr | Inwahners |
|---|---|
| 1826[2] | 188 Inwahners, 35 Hüüs |
| 1847[3] | 206 |
| 3. Dezember 1866[4] | 209 |
| 1. Dezember 1871[5] | 207 |
| 1. Dezember 1910[6] | 440 |
| 31. Dezember 2006 | 1.037 |
Religion
ännern
Duhnen is evangeelsch-luthersch präägt un höört to dat Kaspel von de Gertrud-Kark in Döös. 1953 hett Duhnen en Kapell kregen, de an’n Robert-Dohrmann-Platz steiht, de vör allen in de Feerntied för de Feerngäst dor is.
För de Kathoolschen is de Marienkark in Cuxhoben tostännig. Vörher von 1921 bet 1964 weer de Hart-Jesu-Kark de Kark von de Karkengemeen.
Wapen
ännernDat Wapen wiest op hellblauen Grund en sülvern Born. De Schildfoot is gollen un twischen Schildfoot un Schild is noch en düüsterblauen Striepen.
Archäologie
ännern
De Twellbarg is so üm un bi dree Meter hoog un en Graffbarg ut de Bronztied (üm un bi 1200 v. Chr.). Fröher hett dat ok noch en tweten Barg geven, de aver to Anfang von dat 20. Johrhunnert liek maakt worrn is. 1948 hett Dietwald Brandt den Barg ünnersöcht un dor ünner annern de Steen von en Boomsark, twee Armring’, en Stück von en Fingerring, en Mest, en Nadel un en Liefreemknoop funnen.
De Ringwall An’n Karkhoff is so bi 40 m in’n Dörmeter. De Binnenwall is so bi 1,2 m hoog un de Butenwall wat sieder. De Butenwall hett ok noch en lütten Graven. De Butenwall un de Graven sünd aver blot noch in’n Noordwesten un Süden to kennen. Annerwegens sünd de liek maakt worrn.
De Ringwall is toeerst 1905 von Carl Schuchhardt ünnersöcht worrn. Archäoloogsche Funnen hett Schuchhardt nich groot maakt. 2001 bet 2009 is de Anlaag denn noch wedder neet ünnersöcht worrn. Dorbi hebbt se faststellt, dat de Wall ut Heidplaggen un wohrschienlich so üm un bi 1500 v. Chr. boot worrn is.
Kultur
ännern
Elk Johr in’n Juli gifft dat dat Duhner Waddrennen, wat en Peerrennen in den Waddensee is.
En Denkmaal för de Fullenen ut de twee Weltkrieg’ steiht in Duhnen an’n Robert-Dohrmann-Platz.
Weertschop un Infrastruktur
ännernDuhnen hett von dat Land Neddersassen dat Prädikat Noordseeheelbad kregen.[7]
Verkehr
ännernDe wichtigsten Straten för Duhnen sünd de Kreisstraat 2 na Stickenbüttel, de Heinrich-Grube-Weg na Döös un de Scharmoorweg na Sahlenborg.
De nächste Bahnhoff is de Bahnhoff Cuxhoben an de Nedderelvbahn na Hamborg un de Bahnlien Bremen-Cuxhoben, wat so bi fiev Kilometer weg is.
Lüüd
ännernVon 1894 bet 1897 hett de Kunstperfesser Carlos Grethe mit en Reeg von sien Schölers de Sommers in Duhnen verbrocht. Noch bet 1903 hebbt welk Künstlers den Sommer in Duhnen verbrocht.
Literatur
ännern- Hermann Borrmann, Peter Bussler: Stadtteil Duhnen - Vom Dorf in den Dünen zum modernen Nordseeheilbad, Teil 1. Niederelbe Verlag, 1995, ISBN 3-924239-30-4
- Hermann Borrmann, Peter Bussler: Stadtteil Duhnen - Vom Dorf in den Dünen zum modernen Nordseeheilbad, Teil 2. Niederelbe Verlag, 1998, ISBN 3-924239-43-6
- Cuxhaven-Duhnen im Nordseeheilbad Cuxhaven. 1935-1985: 50 Jahre Stadtteil von Cuxhaven/1902-1977. 75 Jahre Seebad Duhnen. 75 Jahre Duhner Wattrennen. 1985
- 100 Jahre Seebad Duhnen. Cuxhavener Nachrichten KG, 2002
Footnoten
ännern- ↑ Onlineprojekt Gefallenendenkmäler
- ↑ Neue allgemeine geographische und statistische Ephemeriden, Band 19. 1826, Sied 368: http://books.google.de/books?id=zRtDAAAAcAAJ&pg=PA368
- ↑ Franz Heinrich Neddermeyer: Zur Statistik und Topographie der Freien und Hansestadt Hamburg und deren Gebietes. 1847, Sied 190: http://books.google.de/books?id=sHoAAAAAcAAJ&pg=PA191
- ↑ Statistik des Hamburgisches Staats. Ergebnisse der Volkszählung vom 3ten December 1866. S. 44, http://books.google.de/books?id=C6Q5AQAAIAAJ
- ↑ Statistik des Hamburgisches Staats. Ergebnisse der Volkszählung vom 1. Dezember 1871. S. 78, http://books.google.de/books?id=C6Q5AQAAIAAJ
- ↑ http://www.gemeindeverzeichnis.de/gem1900/gem1900.htm?hamburg/ritzebuettel.htm
- ↑ Staatlich anerkannte Kur- und Erholungsorte in Niedersachsen
Weblenken
ännern
- Tourismus-Websteed to Duhnen (hoochdüütsch)
Berensch-Arensch | Cuxhoben | Döös | Duhnen | Groden | Holt-Spangen | Olenbrook | Olenwoold | Sahlenborg | Stickenbüttel | Süderwisch-Westerwisch | Worth