Hauptmenü öffnen

Disambig.svg Dit Woort hett noch annere Bedüden: kiek dorför ünner Lüttje Millm un Groot Millm.

Wapen/Flagg Koort

Wapen vun Millm

Millm
Laag vun Millm in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Flach: 31,07 km²
Inwahners: 1.681 (2013-12-3131. Dezember 2013)
Inwahnerdicht: 54,1 Inwahners pro km²
Hööchd: 21 m över NN
Postleettall: 27632
Vörwahl: 04741
Geograafsche Laag:
Koordinaten:53° 44′ N, 8° 37′ O
53° 44′ N, 8° 37′ O
Grenzen bi OSM: 1520378 1520378
Noordholt (Oortschop)Cappel (Neddersassen)MillmWremenMulsen (Land Wusten)DorumPadingbüddelMisselwarden
Laag von Millm in de Gemeen Wuster Noordseeküst (Koort lett sik anklicken)

Luftbild von Millm von Noordwesten keken (2012)

Millm (hoochdüütsch Midlum) is en Dörp un billt en Oortschop binnen de Gemeen Wuster Noordseeküst in’n Landkreis Cuxhoben in Neddersassen mit 1681 Inwahners.

Blangen Millm sülvs höört to dor ok de lüttjeren Öörd Kraansborg, Sorthum, Northum, Bosenbüttel, Millm-Südermarren (mit’n Hoff Rosengoorn) un -Noordermarren un Millmer Moor mit to.

GeografieÄnnern

Millm liggt op de Kant von de Geest (Hoge Lieth) na dat Siedland von de Masch von Land Wusten. Deelwies is dat Rebeed ok Moor. De wichtigsten Waterlööp sünd Cappler Waterlöös un Wallsgroov.

In’n Oosten von Millm liggt dat Naturschuulrebeed Hogensteenforst.

De Naveröörd sünd Knill un Scharnst in’n Noorden, Wanhöden in’n Noordoosten, Krümpel in’n Süüdoosten, Kraansborg un Holsseln in’n Süden, Dorum in’n Süüdwesten, Cappel in’n Westen un Spiek in’n Noordwesten.

HistorieÄnnern

In de Gemeen Millm doot de Hünengräver Millm I un Millm II liggen.

De Kark in Millm is in de Midd von dat 12. Johrhunnert boot worrn. Millm kummt denn toeerst 1219 as Midelhem in de Oorkunnen vör. In dat Johr is dat Klooster in Millm grünnt worrn, dat denn na Olenwoold un noch later na Niewohl ümtagen is. De Naam bedüüdt Oort in de Midd. Millm liggt in de Midd twüschen Northum un Sorthum.

De Möhl in Millm is 1857 as Galeriehollanner boot worrn. De Möhl is bet 1955 lopen un 1998 an de Gemeen Millm verköfft worrn. In dat Johr hett sik ok en Möhlenvereen grünnt, de de Möhl bewohren will.

In’n Eersten Weltkrieg sünd 46 Soldaten ut Millm fullen oder vermisst un in’n Tweten Weltkrieg 97[1].

In de Franzosentied von 1810 bet 1814 hett de Oort to de Mairie Spiek in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Vaagdiegericht Land Wusten tohöört un denn to dat Amt Dorum. Na 1885 weer dat in’n Kreis Leh. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

Mit de Gemeenreform in Neddersassen an’n 1. März 1974 hett de Gemeen Millm de Öörd Hartingspecken un Scharnst an de Gemeen Noordholt afgeven. An’n 1. Januar 2015 is Millm as Deel von de Samtgemeen Land Wusten mit de Gemeen Noordholt dör Fusion tohoopgahn un billt nu de Gemeen Wuster Noordseeküst.

InwahnertallÄnnern

Johr Inwahners
1812-00-001812[2] 61
1824-00-001824[3] 72 Füürsteden
1848-00-001848[4] 674 Lüüd. 109 Hüüs
1910-12-011. Dezember 1910[5] 839
1925-00-001925[6] 924
1933-00-001933[6] 1.011
1939-00-001939[6] 1.120
1987-12-3131. Dezember 1987[7] 1.649
1992-12-3131. Dezember 1992[7] 1.660
1997-12-3131. Dezember 1997[7] 1.792
2002-12-3131. Dezember 2002[7] 1.937
2007-12-3131. Dezember 2007[7] 1.901
2012-12-3131. Dezember 2012[7] 1.745

ReligionÄnnern

 
Kark in Millm

Millm is evangeelsch-luthersch präägt un billt mit de Pankratius-Kark en egen Kaspel.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

PolitikÄnnern

Gemeenraad (bet 2014)Ännern

Gemeenraad
Johr \ Partei Tall CDU SPD Millmer List
2001 11 4 7
2006 11 3 3 5
2011 11 3 4 4
Liddmaten
  • 2011:
    CDU: Lars Henken, Jörg-Andreas Sagemühl, Jochen tom Wörden
    SPD: Uta Balmer, Henry Kowalewski, Frank Lüdders, Michael Ziegeler
    Millmer List: Björn Heinsohn, Patrick Kröger, Harald Schewe, Holger Schewe

Oortsraad (siet 2015)Ännern

Oortsraad
Johr \ Partei Tall CDU SPD Wählerinitiative Wuster List
2014 5 2 2 1
Liddmaten
  • 2015:
    CDU: Lars Henken, Jörg-Andreas Sagemühl
    SPD: Henry Kowalewski, Frank Lüdders
    Wählerinitiative Wuster List: Harald Schewe

BörgermeestersÄnnern

Börgermeesters:

Tied Naam Partei
–31. Dezember 2014 Harald Schewe bet 2006 SPD, denn Millmer List

Oortsbörgermeesters:

Tied Naam Partei
1. Januar 2015– Harald Schewe Wählerinitiative Wuster List

Wapen un FlaggÄnnern

Dat Wapen von Millm wiest op grönen Grund en sülvern Bischopsstaff, de twee gollen Ohren an’e Sieden hett un över den en gollen Wagg steiht.

De Staff steiht as Symbol för dat Klooster in Millm, dat hier von 1219 bet 1282 tohuus weer. De Wagg steiht för Millm as Marktoort un de Ohren för de Bueree.

KulturÄnnern

In Millm steiht en Denkmaal för de Fullenen ut de twee Weltkrieg’.

VerenenÄnnern

Millm hett en egene freewillige Füürwehr, de 1900 grünnt worrn is, un en Schüttenvereen, de 1926 grünnt worrn is.

Weertschop un InfrastrukturÄnnern

Op dat Rebeed von Millm liggt en Windpark mit alltohoop 71 Windrääd.

In’n Süüdoosten von de Gemeen Millm liggt de Noodlannplatz Millm. Dat weer en Stück von de Autobahn 27, dat so utboot weer, dat dat Militär dor licht en Flegerplatz von maken kann. Dorto müss blots de Middelleidplank afboot un en provisorischen Tower opstellt warrn.

De Noodlannplatz is 1982 bi’n Bo von de A 27 anleggt worrn. As 1992 de Kole Krieg toenn weer, harrn de Noodlannplatz keen groot Bedüden mehr un sünd opgeven worrn. De Noodlannplatz Millm is aver betherto nich trüggboot worrn un is jümmer noch in funkschoonsfähigen Tostand vörhannen.

De Filiaal von de Werser-Elv-Spoorkass in Millm hett to’n 1. Dezember 2015 dichtmaakt.

VerkehrÄnnern

Dör Millm löppt de Landsstraat 135, de in’n Noorden na Olenwoold un an de Bundsstraat 73 ran geiht un in’n Süden över Holsseln, Sievern un Langen na Bremerhoben. In’n Süüdoosten geiht de Landsstraat 129 na Dorum, Mulsen un Wremen. Von de L 129 geiht na Westen de Kreisstraat 71 na Cappel.

De nächste Autobahn is de Autobahn 27 (Afsnidd CuxhobenBremerhoben), de in’n Oosten ok dör dat Rebeed von de Gemeen dörlöppt. De Opfohrt 3 Noordholt liggt so fiev Kilometer in’n Noordoosten von Millm.

De nächste Bahnhoff is so bi söven Kilometer wied weg in’n Noorden de Bahnhoff Noordholt an de Bahnlien Bremerhoben-Cuxhoben.

ScholenÄnnern

För de Grundschölers is de Grundschool Millm tostännig.

FootnotenÄnnern

  1. http://www.denkmalprojekt.org/dkm_deutschland/midlum_wk1u2_ns.htm
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 104: http://books.google.de/books?id=Q 5OAAAAcAAJ&pg=PA104
  3. C. H. Jansen: Statistisches Handbuch des Königreichs Hannover. 1824, Sied 408: http://books.google.de/books?id=tG0AAAAAcAAJ&pg=PA408
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 147: http://books.google.de/books?id=eOI-AAAAcAAJ&pg=PA147
  5. http://www.gemeindeverzeichnis.de/gem1900/gem1900.htm?hannover/lehe.htm
  6. a b c http://www.verwaltungsgeschichte.de/wesermuende.html
  7. a b c d e f http://www.nls.niedersachsen.de/

WeblenkenÄnnern

  Millm. Mehr Biller, Videos oder Audiodateien to’t Thema gifft dat bi Wikimedia Commons.