Dan Aykroyd
Daniel Edward Aykroyd CM (* 1. Juli 1952 in Ottawa as Daniel Agraluscarsacra) is en kanaadschen Filmschauspeler un Dreihbookschriever.
Dan Aykroyd hett in Ottawa an de Carleton University studeert. Hier harr he bi en Studententheater sien ersten Optritt op dat Rebeet Schauspeel. 1972 weer he in en Reeg vun föffteihnminütige Kummedie-Shows bi en Kabelsenner to sehn. Dormols al hett he sien Sketche sülvst schreven un produzeert. Siet 1983 is Aykroyd mit Donna Dixon verheiraadt. Se hebbt tohopen dree Döchter: Danielle (*1989), Belle (*1993) un Stella (*1998).
Loopbahn ännern
Dan Aykroyd is en grötteren Publikum bekannt worrn, as he tohopen mit annere Schauspelers de Feernsehreeg Saturday Night Live bi de NBC grünnt hett, woneem veele Dorstellers jemehrn Anfang nahmen hebbt. He hett ok mit John Belushi tosamen arbeidt. De beiden hebbt denn de Blues Brothers Band grünnt. Ut disse musikaalsch Arbeidt sünd twee LPs tostannen kamen un en spoodrieke Tournee. Dorut is denn ok de Film Blues Brothers entstahn, mit John Landis as Speelbaas, de för Aykroyd un Belushi jemehr gröttste Spood weer. Aver ok mit annere Kollegen vun Saturday Night Live hett he Filmen dreiht, as t. B. mit Bill Murray, Chevy Chase un Eddie Murphy. Mit Bill Murray harr he Spood mit de Filmen Ghost Busters un Ghost Busters II. 2008 schall gors en drüdden Deel kamen.
Man Dan Aykroyd hett nich blots alleen Kummedien maakt. Mit My Stepmother Is an Alien hett he ok en romantischen Film maakt oder Dramen as Driving Miss Daisy, Jöögdfilmen (t. B. My Girl), Historienfilmen as The House of Mirth oder spannende Filmen as t. B. Exit to Eden. He hett butendem ok ruchweg twintig Dreihböker, ünner annern för de Filmen Ghost Busters un Blues Brothers.
In de letzten Johren weer Aykroyd in Feernsehregen (ü.a. PSI Factor – Chronicles of the Paranormal (dt.: PSI Factor – Es geschieht jeden Tag)) to sehn un hett ok as Filmproduzent arbeidt. In Kinofilmen maakt he hüüt blots noch Nevenrullen. Sien düütsche Synchronstimm is Thomas Danneberg.
Filmografie (Utwahl) ännern
| Johr | Titel | Synchroonsnacker |
|---|---|---|
| 1979 | 1941 (dt.: 1941 – Wo bitte geht’s nach Hollywood) |
Thomas Danneberg |
| 1980 | The Blues Brothers (dt.: Blues Brothers) |
Thomas Danneberg |
| 1983 | Trading Places (dt.: Die Glücksritter) |
Thomas Danneberg |
| 1983 | Doctor Detroit | Hans-Werner Bussinger |
| 1983 | Twilight Zone – The Movie | Thomas Danneberg |
| 1984 | Indiana Jones and the Temple of Doom (dt.: Indiana Jones und der Tempel des Todes) |
Joachim Pukaß |
| 1984 | Ghost Busters (dt.: Ghostbusters – Die Geisterjäger) |
Thomas Danneberg |
| 1985 | Into the Night (dt.: Kopfüber in die Nacht) |
Jürgen Kluckert |
| 1985 | Spies Like Us (dt.: Spione wie wir) |
Thomas Danneberg |
| 1987 | Dragnet (dt.: Schlappe Bullen beißen nicht) |
Thomas Danneberg |
| 1988 | My Stepmother Is an Alien (dt.: Meine Stiefmutter ist ein Alien) |
Thomas Danneberg |
| 1988 | The Couch Trip (dt.: Der Couch-Trip) |
Thomas Danneberg |
| 1988 | Caddyshack II | Thomas Danneberg |
| 1988 | The Great Outdoors (dt.: Great Outdoors – Ferien zu dritt) |
Henry König |
| 1989 | Driving Miss Daisy (dt.: Miss Daisy und ihr Chauffeur) |
Thomas Danneberg |
| 1989 | Ghost Busters II | Thomas Danneberg |
| 1991 | My Girl (dt.: My Girl – Meine erste Liebe) |
Wolfgang Hess |
| 1991 | Two-Fisted Tales (dt.: Drei Wege in den Tod, Teil 3) |
Thomas Danneberg |
| 1991 | Nothing But Trouble (dt.: Valkenvenia – Die wunderbare Welt des Wahnsinns) |
Thomas Danneberg |
| 1992 | Sneakers (dt.: Sneakers – Die Lautlosen) |
Thomas Danneberg |
| 1992 | Chaplin | Thomas Danneberg |
| 1993 | Coneheads (dt.: Die Coneheads) |
Thomas Danneberg |
| 1994 | Exit to Eden (dt.: Undercover Cops) |
Thomas Danneberg |
| 1994 | My Girl 2 (dt.: My Girl 2 – Meine große Liebe) |
Thomas Danneberg |
| 1995 | Casper as Snacker | Thomas Danneberg |
| 1996 | Celtic Pride (dt.: Das große Basketball-Kidnapping) |
Thomas Danneberg |
| 1996 | My Fellow Americans (dt.: Ein Präsident für alle Fälle) |
Thomas Danneberg |
| 1996 | Sgt. Bilko (dt.: Immer Ärger mit Sergeant Bilko) |
Thomas Danneberg |
| 1997 | Grosse Pointe Blank (dt.: Grosse Pointe Blank - Erst der Mord, dann das Vergnügen) |
Thomas Danneberg |
| 1998 | Blues Brothers 2000 | Thomas Danneberg |
| 1998 | Susan’s Plan | Thomas Danneberg |
| 2000 | Loser (dt.: Loser – Auch Verlierer haben Glück) |
Thomas Danneberg |
| 2001 | Pearl Harbor | Thomas Danneberg |
| 2001 | Evolution | Thomas Danneberg |
| 2001 | The Curse of the Jade Scorpion (dt.: Im Bann des Jade Skorpions) |
Thomas Danneberg |
| 2002 | Crossroads (dt.: Not a Girl – Crossroads) |
Thomas Danneberg |
| 2003 | Bright Young Things | Thomas Danneberg |
| 2004 | 50 First Dates (dt.: 50 erste Dates) |
Thomas Danneberg |
| 2004 | Christmas with the Kranks (dt.: Verrückte Weihnachten) |
Thomas Danneberg |
| 2007 | I Now Pronounce You Chuck and Larry (dt.: Chuck und Larry – Wie Feuer und Flamme) |
Thomas Danneberg |
| 2008 | War, Inc. | Thomas Danneberg |
| 1975-2009 | Saturday Night Live, Feernsehreeg | |
| 2010 | Yogi Bear, Stimm dt.: Yogi Bär |
Thomas Danneberg |
| 2012 | The Campaign dt.: Die Qual der Wahl |
Thomas Danneberg |
| 2014 | Tammy dt.: Tammy – Voll abgefahren |
Thomas Danneberg |
| 2014 | Get on Up | Thomas Danneberg |
Utteken ännern
Dan Aykroyd weer 1990 as Best Nevendorsteller för den Oscar nomineert för den Film Driving Miss Daisy, de as Beste Film uttekent woorn is. Aykroyd weer noch för wietere Filmen nomineert un hett 1977 den Emmy in de Kategorie Best Dreihbook in en Varieté-, Musik oder Kummediesennen för Saturday Night Live wunnen.
Man tweemol hett Aykroyd ok de Golden Himbeer as Slechtste Nevendorsteller kregen, neemlich 1989 för Caddyshack II un 1992 för Nothing But Trouble.
Weblenken ännern
- Dan Aykroyd in de Internet Movie Database (engelsch)