Daniele Nardello

Daniele Nardello (* 2. August 1972 in Varese, Italien) is en ehmalger italieensch Radrennfohrer.

Daniele Nardello

Daniele Nardello bei der Deutschland Tour 2006 in Düsseldorf

Sportlich Loopbahn

Nardello fung sien Profi-Loopbahn 1994 bi dat Team Mapei an. Acht Johr bleev he bi dat Team un harr dormit grooten Spood. Nah sien Wessel to dat Team Telekom 2003 kunn he eerst nich an sein Erfolge anknütte, vör allen, wiel he ok faken to Fall keem. Eerst to dat Saisonenn gung dat weer bargup. 2004 hett he an de Olympisch Sömmerspelen in Athen deelnommen un keem dor in dat Straatenrennen up den 35. Platz.

Achtmal is Nardello de Tour de France fohren. Dorbi gelung hüm 1998 en Deelstreckensieg un he keem in de Gesamtwertung up den 8. Platz. Dat Johr dorup reck he sogor Platz 7 in de Gesamtwertung.

2007 is Daniele Nardello to dat Swiezer Team L.P.R. wesselt. Nah en Stört bi de Tour Down Under 2009 keem Nardello nich mehr richtig in Form un hett in’n März van dat sülvig Johr dat Enn‘ van sien Loopbahn ankünnigt. An’n 8. April gung denn sien Verdrag bi sien Arbeitgever Fuji-Servetto to Enn. Insgesamt sünd 32 Siege in sien Vita vertekent.

Konflikt mit Simeoni

Filippo Simeoni hett Nardello beschuldigt, hüm wiels de 18. Deelstreck van de Tour de France 2004 scharp beleidigt und orbi Lance Armstrong in en Privatstriet gegen Simeoni ünnerstütt to hemm. Nardello hett dat torüchwiest. Achtergrund weer, dat Simeoni as Tüüg utseggt harr, dör den Mediziner Michele Ferrari, de ok Armstrong betrüen dee, Dopingmiddel kreegen to hemm, woruphen Armstrong Simeoni Lögereen vörsmieten dee.

Berop

Nah sien Rückträe bleev Nardello as Sportlich Baas den Radsport verbunnen. Tonächst weer he för dat Team Geox-TMC tätig, för dat he toletzt fohren weer, bi he Anfang 2012 to GreenEdge wesseln dee.

Wat he schafft hett (Utwahl)

1995

• Paris–Bourges

1996

• Mailand–Turin
• een Deelstreck Vuelta a España

1997

• Öösterriek-Rundfohrt

1998

• een Deelstreck Tour de France

1999

• een Deelstreck Vuelta a España

2000

• Tour du Haut-Var

2001

• Italieensch Meester
• Tour du Haut-Var

2003

• Rhienland-Palz-Rundfohrt
• Meeesterschap van Zürich

Teams

• 1994 Mapei-CLAS
• 1995–1997 Mapei-GB
• 1998 Mapei-Bricobi
• 1999–2002 Mapei-Quick Step
• 2003–2006 T-Mobile-Team
• 2007 Team L.P.R.
• 2008 Serramenti PVC Diquigiovanni
• 2009 Fuji-Servetto (bit 8. April)

Weblinks

• Homepage (italienisch)
• Daniele Nardello in de Datenbank van Radsportseiten.net