Lance Armstrong
Lance Edward Armstrong (* 18. September 1971 in Plano, Texas, as Lance Edward Gunderson) is en ehmalger US-amerikaansch Profi-Radrennfohrer. He hett 1993 mit 21 Johren de Straaten-Weltmeesterschap Oslo wunnen un is domit de bither jüngst Profi-Straatenweltmeester. Van 1999 bit 2005 wunn he as eerst un bitlang eenzig Fohrer in de Historie vun de Tour de France de Rundfohrt söbenmal in Folg. Dormit weer he beeter as de veer bitherigen Rekordsieger Jacques Anquetil, Eddy Merckx, Bernard Hinault un Miguel Induráin, de jeweils fievmal wunnen hebbt. Wegen Doping hett hüm de Weltradsportverband UCI in sien Entscheedung van' 22. Oktober 2012 all Titel siet den 1. August 1998 weer afnommen un hett hüm tietlevens sparrt.[1]
Leven un Loopbahn
ännernJöögd un Amateurteit
ännernLance Armstrong is in Plano, en Vöroort vun Dallas, Texas upwussen. Sien Vader hett de Familie verlaaten, as Lance twee Johr old weer – de beid hebbt sück sietdem nie persöönlich drapen. Sien Moder Linda Mooneyham hett dree Johr nah de Gebort vun Lance Terry Armstrong heiraadt. Dat Verhältnis tüschen Steefvader un Steefsöhn weer immer schlecht, nah eegen Angaaven wurr Lance vun sien Steefvader nich blots hart, sonnern ok gewalttätig „ertrucken“. De Sport weer en Mögelkeit, sück vun sien Steefvater feerntohollen.
Armstrong fung sien sportlich Karriere mit 13 Johren as Triathlet an un hett mit 16 Johren sien eerst Rennen in de Utwussenkategorie makt. Bald wies sück, dat he besünners good in’t Radfohren weer. Mit 17 Johren kreeg he all en Inlaaden för en söss Week düernd Trainingslager vun de Junioren-Rad-Nationalmannschap. Dordör kreeg he aber in Plano kien Schoolafsluss. He hett denn de Highschool dor ahn Afsluss verlaaten, de aber later up en annern Highschool in Dallas makt. Wegen dat konservativen Umfeld in Plano truck he nah Austin, wat he hüüd as sien eegentlich Heimat betekent.
1991 wunn Lance Armstrong as Amateur den US-amerikaanschen Meestertitel; 1992 keem he bi de Olympisch Spelen in Barcelona up Platz 14 in’t Straatenrennen. An‘ 8. August 1992 wurr he bi dat Team Motorola Profi.
Eerst Profikarriere: 1993–1996
ännernGliek bi sien tweet Rennen in Europa, de prestigeträchtig Meesterschap vun Zürich, keem Armstrong up den tweeten Platz. Ok bi sien eerst Deelnahm an de Tour de France, 1993, wunn he een Deelstreck, hett aber in de Loop vun de Rundfohrt upgeven. In dat glieker Johr wurr he denn in Oslo mit man blots 21 Johr Straaten-Weltmeester. 1995 is he de Tour dörfohren un wunn ok een Deelstreck wunnen. He gull nu aber ok all as een vun de best Spezialisten för Eendagsrennen. So wunn he bispeelswies de Clásica San Sebastián 1995 un den Flèche Wallone 1996. He wurr aber aber gor kien Fall as bargfohrer oder potentieller Sieger vun de Tour de France hannelt.
Krebserkrankung
ännernAn‘ 2. Oktober 1996, kört nahdem he en Verdrag bi Équipe Cofidis ünnerschreven harr, wurr bi Armstrong Hodenkrebs in‘ fortschreeden Stadium faststellt, dat harrn sück all Lymphknotenmetastasen in‘ Buukruum, as ok in de Lung un twee Tumore in dat Gehirn bild. Twee Operatschonen un en veer Zyklen beinhollend Chemotherapie hebbt sück den anslooten, de Krebserkrankung kunn denn spoodriek behannelt wurrn. De rechte Hoden muss operativ wegnommen weern. Wenn Armstrong de begäng Chemotherapie (PEB) wählt harr, harr he sien Radsportkarriere nich wieder verfolgen kunnt; so is een vun de Nebenwirkungen vun en Wirkstoff en potentielle Verringerung vun de Lungenkapazität. Ut dissen Grund hett sück Armstrong för en in den Behannelnstietruum wesentlich belastendere Chemotherapie (VIP) entscheed, de aber dorför kien Utwirken up sien langfristig Leistungsfähigkeit harr. As he noch dorbi weer, sück to verhaalen, hett Cofidis sien Vedtrag kündigt.
Tweet Profikarriere: 1998–2005
ännern
In‘ Fröhjahr 1998 kehr Lance Armstrong in den Radsport torüch. Intüschen bi dat amerikaansch Team US Postal Service ünner Verdrag, weer de Neeanfang tonächst nich spoodriek. Eerst in‘ tweeten Anloop in‘ Harvst vun dat glieker Johr kunn sück Lance Armstrong weer in Szene setten un keem bi de Vuelta a España sensationell den veerten Platz, de bit dorhen best Platzeeren vun den eenstigen Klassikerspezialisten bi en grooten Rundfohrt.
1999 wunn Armstrong eerstmals de Tour de France as ok veer eenzelt Deelstrecken. Up de Bargetappen un besünners in‘ Tietfohren hett he sien Vörsprung immer wieder utbaut. Armstrong sien Sieg wurr weltwiet as dat „Comeback des Jahrhunderts“ fiert.
Armstrong kunn sien Sieg bi de Tour in den Folgejohren 2000 bit 2005 wedderhalen. He hett sien gesamte Saisonplanung nipp un nau up de dree Week düernd Rundfohrt in Frankriek utricht, wat hüm woll de Kritik vun Expertensiet inbrocht hett, aber spoodriek weer. Neben bzw. in‘ Rahmen vun sien Tour-Vörbereiten kunn Armstrong renommeert Vörbereitensrennen winnen, so de Tour de Suisse 2001 oder de Dauphiné Libéré 2002 un 2003.
In dat Johr 2000 keem en Autobiografie herut, de he vör allen sien Kamp tegen den Krebs widmet hett. Dat Book wurr en Bestseller.
2004 wunn he de Tour to’n sössten Mal. Dormit weer he spoodrieker as de bitherigen Rekordholler, de fievfak Tourwinner Jacques Anquetil, Eddy Merckx, Bernard Hinault as ok Miguel Induráin. Induráin harr vör Armstrong as eenzig Fohrer fiev upnannerfolgend Siege (van 1991 bit 1995) schafft. Armstrong domineer dat Rennen binah düütlicher as tovör un leet mit mehr as söss Minüüt Vörsprung up den Tweeten, Andreas Klöden, sünners aber dör sien insgesamt fiev Deelstreckensiege, dorvan dree in Reeg, kien Twiefel an sien Stärke. De Oord un Wies, mit de he bi jeder enkeld Deelstreck um den Sieg kämpen dee, as ok sien Överlegenheit hebbt hüm Verglieken mit den faken as „Kannibalen“ betekenten Eddy Merckx in.
Ok wurr sien Verhollen in’t Rennen kritiseert: So hett Armstrong bi de Tour 2004 mehrfak de Utrietversöök vun de för hüm in’t Gesamtklassement vullkommen ungefährlichen Fohrer Filippo Simeoni ünnerbunnen, de in‘ Doping-Prozess tegen de de beid Fohrer behanneln Dokter Michele Ferrari utseggt harr. Armstrong hett Simeoni anschuldigt, dat de leegen dee, beid stunnen sück in Verfohren wegen Verleumdung un Tüügeninschüchtern tegenöver, de aber instellt wurrn.
Af 2005 wurr dat Team nah fievjohrig Tosommenarbeit vun US Postal in Discovery Channel umnömmt. De US-amerikaansch Post harr sück nah de Kritik an hör Sponsorengagement ut den Profisport torüchtrucken. Armstrong wunn de Tour dat söbente Mal. Nah de Siegerehrung hull he up den Podium to’n Afsluss vun sien Karriere en Reed, in de he all dankt hett, de sien Siege mögelk makt harrn. Wiederhen hett he sück ok bi Ivan Basso un Jan Ullrich bedankt, de neben hüm up dat Podium stunnen. He wull ok wiederhen as Fan den Radsport erhollen blieven. Armstrong sien Spood un sien Tour-Rekord sünd ok immer verbunnen mit sien sportlich Leiter Johan Bruyneel un sien Trainer Chris Carmichael.
Darte Profikarriere: 2009–2011
ännernIn‘ September 2008 hett Armstron mitdeelt, dat he af 2009 weer as Profi fohren wull, he wull an den Giro d’Italia un de Tour de France deelnehmen.
An‘ 23. März 2009 wurr Armstrong bi de eerste Deelstreck vun de Vuelta a Castilla y León in en Massenstörrt verwickelt un hett sück dorbi dat Slöötelbeen braken. Experten harrn hüm dat nich totroot, aber bi den Giro keem he dornah up Platz 12 in de Gesamtwerten mit man blots 15 Minüüt Rückstand up den Gesamtsieger. Bi de tour de France in dat glieker Johr keem he noch mal up den darten Platz mit en Rückstand vun 5:24 Minüüt up sien spaanschen Teamkollegen un Kapitän Alberto Contador.
An‘ 23. Juli 2009 geev Lance Armstrong bekannt, dat he in de Saison 2010 för dat nee grünnd Team RadioShack starten wull.
Bi de Tour 2010 keem he aber blots noch up den 23. Platz und bi de Tour Down Under 2011 up den 67. Platz. Denn hett he sien Karriere endgültig beend.[2]
Dopingvorwürfe
ännernIn dat Johr 2005 wurrn eerstmals Doping-Vörwürfe tegen Armstrong bekannt, nah de he all 1999 dopt hemm sall. He hett dat immer bestreeden un richtig nahwiesen kunn man hüm dat bit hüüd nich.
Literatur
ännern- Lance Armstrong und Sally Jenkins: Tour des Lebens. Wie ich den Krebs besiegte und die Tour de France gewann. Lübbe, Bergisch Gladbach 2002, ISBN 3-404-61496-8
- Lance Armstrong, Sally Jenkins und Thomas Pfeiffer: Jede Sekunde zählt. Bertelsmann, München 2003, ISBN 3-570-00803-7
- Lance Armstrong: Das Lance Armstrong Trainingsprogramm. Bastei Lübbe, Bergisch Gladbach 2002, ISBN 3-404-66381-0
- Damien Ressiot: Le Mensonge Armstrong („Die Lüge Armstrong“), in: L’Équipe (23. Aug 2005). online (fr.)
- Daniel Coyle: Armstrongs Kreuzzug. Ein Jahr auf dem Planeten Lance. Covadonga Verlag, 2005, ISBN 3-936973-19-9
- Sebastian Moll und Alexander Heflik: Jan Ullrich & Lance Armstrong. Das Duell Covadonga Verlag, 2004, ISBN 3-936973-11-3
Enkeld Nahwiesen
ännern- ↑ Armstrong verliert alle sieben Tourtitel, Zeit Online, afropen an' 22. Oktober 2012
- ↑ rp-online.de vom 19. Februar 2011: Lance Armstrong tritt ab
