Das Jesus Video (Roman)

Das Jesus Video is en Science-Fiction-Roman von Andreas Eschbach ut dat Johr 1998. Eschenbach hett 1999 för „Jesus Video“ to’n veerten Mal den Düütschen Science-Fiction-Pries wunnen.

Inholl

De amerikaansche College-Student Stephen Foxx finnt bi en archäoloogschen Utgraven in Israel de Överresten vun en Mann, de vör 2000 Johren dood bleven is. En lütten Stoffbüdel blangen dat Skelett is en Radel: in em liggt de Bruuksanwiesen för en Videokamera vun Sony, de aber erst dree Johr later op den Markt kamen schall. För de Wetenschoplers heet dat: Mag ween, de Dode is en Tietreisenden ut de Tokunft, de Jesus Christus filmt hett.

De Medienstar un Geldgever vun’t Projekt, John Kaun, maakt sik op de Söök na de Kamera, de an en gehemen Oort versteken ween schall. Man Stephen Foxx will se sülvst finnen. Ünnerstütt warrt he vun Judith Menez, de ok bi de Utgraven dorbi weer un vun ehr Broder Yehoschua. Ok de Geheemdeenst vun den Vatikan will de Kamera hebben, üm seker to stellen, dat keeneen dat apentlich maakt.

Utgaven un Verfilmen

• De Schneekluth-Verlag hett dat Book ünner den Titel „Jesus Video“ rutbröcht. De Taschenbookutgaav bi Bastei-Lübbe hett den Naam „Das Jesus Video“.
• Vun Lübbe Audio gifft dat „Das Jesus Video“ as Höörbook, vörlesen vun Matthias Koeberlin.
• ProSieben hett dat Book mit Matthias Koeberlin un Naike Rivelli in de Hööftrullen för 5 Millionen Euro verfilmt. Dorbi hebbt se bannig wat an dat Book verännert.

Weblenken

• Rezension vun den Roman (hoochdüütsch)
• Een poor vun de Ünnerscheden twischen Book un Film ut de Sicht vun de Filmproduzenten (hoochdüütsch)