Eugene Wright

„The Senator“ Eugene Joseph Wright (* 29. Mai 1923 in Chicago; † 30. Dezember 2020 in Los Angeles, Kalifornien)[1] weer en US-amerikaansch Jazz-Kontrabassist. Bekannt wurr he as Liddmaat vun dat Dave Brubeck Quartet, besünners dör dat bekanntste Album vun de Gruppe Time Out (1959), mit den Pianisten Brubeck, de Slagtüüchspeler Joe Morello un Paul Desmond (Saxophon).

Wright speel mit de Lonnie Simmons Grupp un leit van 1943 bit 1946 sien eegen Band, de „Dukes of Swing“; sien groot Dörbröök gelung hüm aber eerst in de Grupp vun Dave Brubeck. He speelt en bannig soliden Jazz, de vun Brubecks Speelwies beinfloot weer.

Wright weer dorför all bi Gene Ammons (1946–48, 1949–51), bi Count Basie (1948/49) un bi Arnett Cobb (1951/52) tätig. He hett aber ok mit Charlie Parker, Billie Holiday, Carmen McRae, Buddy DeFranco, Red Norvo, Cal Tjader, Kai Winding, Karen Hernandez, Sonny Stitt, Dorothy Donegan un Monty Alexander tosommen speelt.

Mit Basically Wright hett he en Book vun sien Kompositionen för Kontrabass vörleggt, dat bi Hansen verleggt wurr.

  1. Richard Sandomir: Eugene Wright, Longtime Brubeck Quartet Bassist, Dies at 97. In: The New York Times. 8. Januar 2021, afropen an’n 9. Januar 2021 (engelsch).